काठमाडौं । एपिएफका प्रिन्स दाहाल र पुलिस क्लबका विष्णु कटुवाल प्रथम प्रकाश दाहाल स्मृति राष्ट्रिय ब्याडमिण्टन प्रतियोगिताको पुरुष एकलतर्फ क्वार्टर फाइनल प्रवेश गर्नुभएको छ । दाहालले एपिएफकै सुजन थापालाई २१-११, २१-१० ले र कटुवालले स्पोर्टस् हवका सुनिल कार्कीलाई २१-७, २५-२३ ले पराजित गर्दै अन्तिम आठको यात्रा तय गर्नुभएको हो ।
बौद्ध लाखेपोखरीस्थित स्पोर्टस् हवको आयोजनामा भएको प्रतियोगिताको पुरुष एकलतर्फ अन्तिम आठमा प्रवेश गर्नेक्रममा पुलिस क्लबका सुनिल जोशीले आर्मीका डेभिड थापा मगरलाई २१-११, १७-२१, २१-१४, आर्मीका कविर केसीले पुलिसका जीवन आचार्यलाई २१-९, १७-२१, २१-१६, एपिएफका देवराज रानाले पुलिसका अभिक श्रेष्ठलाई २१-११, २१-१२, एपिएफका अनिल मल्लले पुलिसका दीपक बोहरालाई २१-१६, २४-२२, आर्मीका प्रफुल महर्जनले एपिएफका भोजबहादुर गुरुङलाई २१-१८, २१-१५, नखिपोटका विवेक चौधरीले एपिएफका विजित थापा मगरलाई २३-२१, २१-१३ ले पराजित गर्नुभयो ।
आयोजकको आफ्नै कोर्टमा भएको प्रतियोगिताको महिला एकल तर्फ नेपाल पुलिसकी निता लम्साल र आर्मीकी अमिता गिरीले पनि अन्तिम आठमा स्थान बनाउनुभयो । लम्सालले एपिएफकी रिना तामाङलाई २१-१०, २१-१२ र गिरीले एपिएफकी निकिता लामाबाट वाक ओभर प्राप्त गर्नुभएको हो ।
यस्तै आर्मीकी शेस्ना श्रीपालीले बालकुमारी रिमिक्सकी श्रीया बज्राचार्यलाई २१-१०, २१-११, कस्तुरी कलेजकी सिमा राजबंशीले आर्मीकी बिस्ना विष्टलाई २१-१४, २१-१२, एपिएफकी शोभा गौचनले देवीनगरकी प्रिया गौडलाई २१-७, २१-१५, आर्मीकी रिहाना शेरचनले बालकुमारी रिमिक्सकी कृषा श्रेष्ठलाई २१-१३, २१-८ र आर्मीकै अनुमाया राईले पुलिस क्लबकी सुष्मा श्रेष्ठलाई २१-११, २१-१० ले पराजित गर्दै अन्तिम आठमा प्रवेश गर्नुभएको हो ।
शीर्ष २० वरीयता बाहेकको पुरुष युगलतर्फको खेलमा युनिटीका अनिष गुरुङ र प्रमिश श्रेष्ठको जोडी, देवी नगरका हेमन्त ऐर र बबिश थापाको जोडी, एपिएफका भोजबहादुर गुरुङ र सन्तोष पनेरुको जोडी, नवलपुरका अक्षय क्षेत्री र चितवनका विद्वान् गुरुङको जोडी, आकाश जोशी र रमेश ठकुरीको जोडी, स्पोर्टस् हवका अभिषेक गुरुङ र निश्चल खत्रीको जोडी, धादिङका एल. ठकुरी र देवी नगरका आर. ठकुरीको जोडी, एपिएफका विशाल प्रधान र सुजन थापाको जोडी तथा स्पोर्टस् हवका सुनिल कार्की र विशाल तामाङको जोडी पनि आफ्ना प्रतिद्वन्द्वीलाई पराजित गर्दै अन्तिम १६ मा स्थान बनाउन सफल हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच