काठमाडौं । अभियन्ता युवराज (पौडेल) सफलले राष्ट्रिय स्वतन्त्र पार्टीका सभापति रवि लामिछाने र गोरखा मिडिया नेटकर्वका अध्यक्ष जिबी राईविरुद्ध उजुरी दिनुभएको छ ।
सहकारी ठगी प्रकरणमा उहाँहरुविरुद्ध सहकारी विभागमा सफलले उजुरी दर्ता गर्नुभएको हो । सहकारी ऐनभन्दा बाहिर गएर गरिएको कारोबारमा मुछिएको भन्दै गोरखा मिडिया नेटवर्कका अध्यक्ष राई र तत्कालीन एमडी लामिछानेविरुद्ध सफलले दुई दिन सहकारी विभागमा उजुरी दर्ता गराउनु भएको हो ।
विभागमा उजुरी दर्ता गराउँदै उजुरीकर्ता सफलले सहकारीबाट कर्जा प्रवाह गर्दा गरिएका सम्झौता तथा निर्णयबारे सक्कल कागजात झिकाई आवश्यक छानबिन गर्न माग गर्नुभएको छ ।
उहाँले हजारौं बचतकर्ताहरुको करोडौं हिनामिना गरी कोही फरार रहेको र कोही अझै पनि गैरजिम्मेवारपूर्ण तरिकाले खुलेआम हिँडिरहेको भन्दै फरार प्रतिवादीको खोजी र सम्पर्कमा रहेका व्यक्तिलाई पक्राउ गर्न पनि माग गर्नुभएको छ ।
‘जीबी राई गोरखा मिडिया नेटवर्कको अध्यक्ष र रवि लामिछाने एमडीको जिम्मेवारीमा कायम रहेको बेलामा गैरकानूनी रुपमा सहकारीबाट रकम लिएर आजको दिनसम्म सहकारीको रकम नतिरी सहकारी ठगी, रकम हिनामिना समेत गरेको देखिन्छ । मिडियाका अध्यक्ष जीबी र एमडी रवि लामिछानेले गैरकानूनीरुपमा कम्पनीमा कर्जा लिएर नतिरी हजाराैं बचतकर्ताको खुन र पसिनामाथि खेलवाड गरेको अवस्था छ । अत निजहरुले उल्लेखित सहकारीबाट लिएको करिब ५२ करोडको सावाँ ब्याजसहितको हालसम्मको रकम सहकारीलाई फिर्ता गराउनसाथै हदैसम्मको कारवाही गर्न यो निवेदन पेश गरेको छु’, सफलको उजुरीमा लेखिएको छ ।
यस अघिको रवि लामिछानेको नागरिकता विवादमा पनि सिन्धुलीका युवराज सफलले सर्वोच्चमा रिट दिनुभएको थियो । लामिछानेले अमेरिकी नागरिकता लिएपछि कायम नरहेको नेपाली नागरिकतालाई स्वघोषणा गरी कायम रहेको भन्दै सोही नेपाली नागरिकताको आधारमा पार्टी दर्ता गरेको र संघीय चुनाव समेत जितेकाले उहाँको सांसद पद निलम्बन गर्नुपर्ने माग राख्दै रिट दायर भएको थियो ।
नेपाली नागरिकता प्रकरणमा सभापति लामिछाने दोषी ठहर हुनुभएको थियो । सर्वोच्च अदालतको संवैधानिक इजलासले उहाँलाई नागरिकता प्रकरणमा दोषी ठहर गरेको थियो ।
यससँगै उहाँको सांसद पद गएको थियो । पछि उपनिर्वाचनबाट उहाँ फेरि निर्वाचित हुनुभएको हो ।
नेपाली नागरिकता पुनः प्राप्तिको प्रक्रिया पूरा गरेर उहाँले नागरिकता लिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच