काठमाडौं । राष्ट्रिय खेलकुद परिषद् (राखेप) ले पेस्की तथा बेरुजु फछ्र्योटका लागि कडा नीति अख्तियार गर्ने भएको छ । राखेपले गठन गरेको पेस्की तथा बेरुजु फछ्र्योट कार्यदलले दिएको सुझाव कार्यान्वयन गर्ने राखेपका सदस्य-सचिव टंकलाल घिसिङले बताउनुभयो ।
कार्यदलले प्रतिवेदन बुझाउँदै पेस्की बाँकी रहेका संस्थाहरूलाई अनुदान रोक्नका लागि सुझाव दिएको छ । यस्तै, वैदेशिक यात्रा तथा सहभागिताका लागि सिफारिससमेत गर्न नहुने सुझावमा उल्लेख गरिएको राखेपका सदस्य एवं कार्यदलका संयोजक प्रकाशकुमार कुसारीले बताउनुभयो ।
विभिन्न राष्ट्रिय संघहरूका नाममा निकै ठूलो अंकमा पेस्की रहेको भन्दै कार्यदलले फछ्र्योट नगर्ने संघ, कर्मचारी तथा पदाधिकारीलाई कारबाहीको दायरामा ल्याउनु अनिवार्य हुने उल्लेख गरिएको छ । यस्तै, आर्थिक प्रशासन शाखाले पनि बेरुजु कम गराउनेतर्फ कर्मचारीहरूलाई आर्थिक कारोबारसम्बन्धी प्रशिक्षणको व्यवस्था गर्नसमेत सुझाव दिएको कार्यदलका सचिव कुमार बस्नेतले बताउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच