काठमाडौं । सरकारले एकै पटक २९ जना सहसचिवको सरुवा गरेको छ ।
विहीबार बसेको मन्त्रिपरिषद् बैठकले विभिन्न निकायमा कार्यरत सहसचिवको सरुवा गरेको संघीय मामिला तथा सामान्य प्रशासन मन्त्रालय स्रोतले जनाएको हो ।
यस्तै, काठमाडौं महानगरपालिकाका प्रमुख प्रशासकीय अधिकृतमा पनि परिवर्तन आएको छ । सहसचिव वसन्त अधिकारीलाई मधेशी आयोगको सचिवको जिम्मेवारी दिएर पठाइएको छ ।
राष्ट्रिय योजना आयोगका सहसचिव प्रदीप परियारलाई काठमाडौं महानगरपालिका पठाइएको छ । ३ दिनपछि सरुवाको सूची सार्वजनिक गरिएको हो ।
कर्मचारीकी छोरीलाई जागिर लगाउने उद्देश्यले नगर सभाको निर्णयमा गरिएको कीर्तेलाई प्रमाणीकरण गरेको भन्दै काठमाडौं महानगरपालिकाका मेयर बालेन शाहले प्रमुख प्रशासकीय अधिकृत वसन्त अधिकारीको कार्यकक्षमै ताला लगाएर अघोषित निलम्बन गरिएको थियो ।
अधिकारी ०७९ भदौदेखि काठमाडौं महानगरपालिकाको प्रमुख प्रशासकीय अधिकृतको जिम्मेवारीमा हुनुहुन्थ्याे । यसअघि उहाँ दुई वर्ष संघीय मामिला तथा सामान्य प्रशासन मन्त्रालयको प्रवक्ता समेत रहनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच