इलाम । आयोजक रेडहर्ष फुटबल क्लब इलाम शनिबारबाट सुरु भएको प्रथम इलाम गोल्डकपको पहिलो खेलमा जित हासिल गर्दै सेमिफाइनलमा प्रवेश गरेको छ । मानेभञ्ज्याङ फुटबल क्लब दार्जिलिङलाई ४-० गोल अन्तरले पराजित गर्दै आयोजक सेमिफाइनल प्रवेश गरेको हो । राष्ट्रिय टोलीका पूर्व कप्तान नवयुग श्रेष्ठको कप्तानीमा मैदान उत्रिएको आयोजकका लागि श्रेष्ठले हृयाट्रिक गर्नुभएको थियो भने उत्सव राईले एक गोल गर्नुभएको थियो ।
आयोजकका लागि श्रेष्ठले ५५, ६५ र ८२ मिनेटमा गोल गर्नुभएको थियो भने १३औं मिनेटमा उत्सव राईले पहिलो गोल गर्नुभएको थियो । यता पाहुना टोली मानेभञ्ज्याङले केही अवसर सिर्जना गरेपनि गोलमा परिणत गर्न नसक्दा पहिलो चरणबाटै बाहिन बाध्य बन्नुपर्यो । खेलको म्यान अफ द म्याच विजेता रेडहर्षका कप्तान नवयुग श्रेष्ठ घोषित हुँदै नगद पाँच हजार प्राप्त गर्नुभयो ।
आज (आइतबार) दोस्रो क्वाटरफाइनलमा राष्ट्रिय जागृति क्लब इटहरी र विर्तामोड युनाइटेड झापाबीच प्रतिष्पर्धा हुनेछ । माघ १३ गतेसम्म सञ्चालन हुने गोल्डकपको विजेताले नगद पाँच लाख र उपविजेताले नगद तीन लाखसहित पदक र प्रमाणपत्र पाउनेछन् । गोल्डकपमा भारतको एकसहित आठ टिमले सहभागिता जनाएका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच