काठमाडौं । सेयर बजारको अन्तिम कारोबार दिन पनि सेयर बजार घटेको छ । नेप्से परिसूचक ३.९४ अंकले घटेर २०८४.०९ अंकमा झरेको हो । नेप्सेसँगै कारोबार रकम पनि अघिल्लो दिनको तुलनामा १३ करोड २५ लाख रुपैयाँले घटेर तीन अर्ब ७६ करोड ४५ लाख पाँच हजार चार सय ५० रुपैयाँ बराबरको कारोबार भएको छ । यस दिन तीन सय चार कम्पनीका एक करोड १६ लाख ८९ हजार नौ सय ५५ कित्ता सेयर खरिदबिक्री भएका थिए । नेपाल स्टक एक्सचेन्ज(नेप्से)का अनुसार कारोबारमा आएका १३ समूहगत सूचकमध्ये पाँचवटाको बढेको छ भने आठवटाको घटेको छ । बैंकिङ, विकास बैंक, फाइनान्स, म्युचुअल फण्ड र व्यापार बढेका हुन् । होटल तथा पर्यटन समूह सर्वाधिक १.०३ प्रतिशतले घटेको छ । एक सय १९ कम्पनीको सेयर मूल्य बढेको छ भने एक सय ६५ कम्पनीको घटेको छ । २० कम्पनीको स्थिर रहेको छ ।
हिमालयन रि इन्स्योरेन्सको सबैभन्दा धेरै २८ करोड ६७ लाख २६ हजार रुपैयाँ बराबरका चार लाख ३९ हजार आठ सय ५९ कित्ता सेयर कारोबार भएका छन् । ङादी ग्रुप पावरको सर्वाधिक पाँच लाख ९९ हजार छ सय ६१ कित्ता सेयर १९ करोड ६५ लाख ७३ हजार रुपैयाँमा कारोबार भएको छ भने अरुण काबेली पावरको नौ करोड १८ लाख, अपि पावर नौ करोड आठ लाख तथा एनआरएन इन्फ्रास्टक्चर एड डेभलपमेन्टको सात करोड ७४ लाख रुपैयाँको कारोबार भएको छ । सामलिङ पावरका लगानीकर्ताले सर्वाधिक नाफा कमाएका छन् ।
उक्त कम्पनीको सेयर मूल्य ९.९९ प्रतिशतका दरले बढेर पाँच सय ३२ रुपैयाँ ९० पैसा पुगेको छ । त्यसैगरी मिड सोलु हाइड्रोपावरको सेयर मूल्य ८.७९, इन्फिनिटी लघुवित्त ८.१२, नेपाल हाइड्रो डेभलपर ७.०१ र मनकामना स्मार्ट लघुवित्तको ५.९१ प्रतिशतले बढेको छ । सिटिजन्स म्युचुअल फण्डका इकाईको मूल्य सबैभन्दा धेरै ५.०३ प्रतिशतले घटेको छ भने धौलागिरि लघुवित्त ४.३५, महुली लघुवित्त ४.१०, तेह्रथुम पावर ४.०५ र सेञ्चुरी डिबेञ्चरको मूल्य ३.८४ प्रतिशतले घटेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच