काठमाडौं । आयोजक द एक्सेल्सियर स्कुलले १०औँ एक्सेल्सियर कपअन्तर्गत सिनियर ब्वाइज बास्केटबलमा सोमबार विजयी सुरुवात गरेको छ । स्वयम्भूस्थित घरेलु कोर्टमा एक्सेल्सियरले विस्डम एकेडेमीलाई ३०-१५ ले पराजित गर्यो । एक्सेल्सियरका छिरिङ गुरुङले ११ अंक जोड्नुभयो । सिनियर ब्वाइजमै स्वर्णिमले एनआइसी एकेडेमीलाई २१-१५ तथा रेडिअन्ट पब्लिकले होली भिजनलाई ४२-१२ ले हरायो ।
सिनियर गल्र्सको बास्केटबलमा स्वर्णिमले न्यु जेनिथलाई १८-७, काष्ठमण्डपले रिब्सलाई २५-१४ र रेडिअन्टले बोधीसत्वलाई १६-६ ले पाखा लगायो । ब्वाइज फुटसलको यू-१३ मा काष्ठमण्डपले एलआरआई र निसर्ग वाटिकालाई समान ३-१ तथा फेरिल्याण्डले एक्सेल्सियर ‘निलो’ लाई १-० ले पन्छायो । निर्भाना र बोधीसत्व तथा ल्याण्डमार्क र निर्भानाबीचको खेल गोलरहित बराबरीमा सकियो ।
ब्वाइज फुटसलको यू-१२ मा सेक्रेड हार्टले स्वस्तिश्री गुरुकुललाई २-१ तथा काष्ठमण्डपले स्वस्तिश्री गुरुकुललाई ५-१ गोलले पराजित ग¥यो । काष्ठमण्डप र एलआरआईले १-१ तथा एलआरआई र सेक्रेड हार्टले २-२ गोलको बराबरी खेले ।
ब्वाइज फुटसलको यू-१६ मा काष्ठमण्डपले न्यु एरालाई २-१ र बालदीक्षा सदनलाई ६-०, न्यु एराले बालदीक्षा सदनलाई ५-२ तथा चेल्सी वल्र्ड स्कुलले एक्सेल्सियर ‘नीलो’ लाई ३-१ गोलले हराए । चेल्सी र निसर्ग वाटिकाले गोलरहित बराबरी खेले भने ल्याण्डमार्क र संस्कृतिबीचको खेल १-१ गोलको बराबरीमा टुंगियो ।
प्रतियोगिताको राष्ट्रिय पुरुष फुटबल टोलीका मुख्य प्रशिक्षक भिन्सेन्जो अल्बर्टो एनिसले एक कार्यक्रमबीच उद्घाटन गर्नुभयो । सो अवसरमा एक्सेल्सियरका अध्यक्ष शीतल राणा, प्रबन्ध निर्देशक राम बस्नेत, प्रिन्सिपल प्रशान्त रजकलगायतको उपस्थिति रहेको थियो । फुटसलको यू-१२ मा १८, यू-१३ मा २० र यू-१६ मा १२ टिम सहभागी छन् । बास्केटबलको ब्वाइज र गल्र्स दुवैमा समान १२-१२ टिमले प्रतिस्पर्धा गरिरहेका छन् । प्रतियोगिता माघ २२ गतेसम्म चल्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच