![गुल्मीमा झण्डै छ हजार किशोरीको रक्तअल्पता परीक्षण गरिँदै](https://ehimalayatimes.com/wp-content/uploads/2024/02/gulmi-programme.jpg)
काठमाडौं । नेपाली राष्ट्रिय महिला फुटबल टोलीकी फरवार्ड सावित्रा भण्डारी ‘साम्बा’ ले फ्रान्सको शीर्ष डिभिजन फुटबल खेल्ने हुनुभएको छ । साम्बाले शीर्ष डिभिजन क्लब अन आभान्ट ग्वेंगाम्पसँग डेढ वर्षको सम्झौता गर्नुभएको हो । योसँगै नेपालबाट युरोपियन शीर्ष पाँच ठूला लिग खेल्ने पहिलो नेपाली खेलाडी उहाँ बन्नुभएको छ ।
यसअघि उहाँ इजरायलको हापोएल रानानासँग अनुबन्धित हुनुहुन्थ्यो । तर, साम्बा बीचमै रानानासँगको सम्झौता रद्द गर्दै ग्वेंगाम्पसँग अनुबन्ध हुनुभएको छ । युद्धका कारण इजरायली फुटबल प्रभावित बनेपछि सावित्रा नेपाल फर्कनुभएको थियो । इजरायलको क्लब फुटबलमा सावित्राको प्रभाव देखेर फ्रान्सेली क्लबले उनलाई अनुबन्धन गर्न तयार भएको हो ।
फ्रान्सेली लिग महिला फुटबलमा विश्वकै उत्कृष्टमध्येको एक मानिन्छ । ओलम्पिक लिओने र पेरिस सेन्ट जर्मेनमा विश्वस्तरीय फुटबलर खेल्छन् र च्याम्पियन्स लिगमा पनि दाबेदारी रहँदै आएको छ । साम्बाले उक्त क्लबसँग अनुबन्ध भएपछि खुशी व्यक्त गर्दै नेपाल र नेपालीको सपना पूरा गरेको बताउनुभएको छ । सावित्राले ग्वेंगाम्पमा २८ नम्बर जर्सी प्रयोग गर्नुहुने भएको छ ।
क्लबले शुक्रबार सामाजिक सञ्जालमार्फत सावित्रा अनुबन्धित हुनुभएको सार्वजनिक गरेको थियो । क्लबले अब शनिबार बोर्डोसँग खेल्दैछ । उक्त खेलमा साम्बाले खेल्ने सम्भावना बढी छ । ग्वेंगाम्प लिगको १२ खेलमा दुई जित, दुई बराबरी र आठ हारका साथ आठ अंक जोड्दै दशौं स्थानमा छ । बोर्डोको १२ खेलमा पाँच अंक छ । १२ टोली सम्मिलित लिगमा अझै यो सिजन १० खेल बाँकी छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच