रुपन्देही । नेपाली कांग्रेसको 'समुदायमा जाऔँ, समाजलाई सुनाैँ, समुदायमा कांग्रेस अभियान' अन्तर्गत यो कार्यक्रम आज सैनामैना नगरपालिका वडा नम्बर ३ मा सम्पन्न भएको छ ।
कार्यक्रमको प्रमुख अतिथि नेपाली कांग्रेस लुम्बिनी प्रदेश कार्यसमिति सदस्य चित्रबहादुर केसीले कांग्रेस सधैँ देशलाई गार्हो पर्दा सधैँ अघि बढ्ने र निर्णायक भूमिका खेल्ने तर नेतृत्वमा जाँदा काम देखाउन र गरेका काम जनतालाई बुझाउन नसक्नु ठुलो समस्या रहेको बताउनुभयो ।
त्यसै गरी कांग्रेसका जनप्रतिनिधिले आफ्ना कार्यकर्तालाई बेला बेला नभेट्नु अर्थात फेस गर्न नसक्नु नै ठुलो भुल रहेको बताउनु भयो, साथै नेपाली कांग्रेस सैनामैना नगर समितिले पनि कार्यकर्ता लक्षित कार्यक्रमहरु धेरै गर्नुपर्ने र सहि, विधि र विधान सम्मत तरिकाले कार्यक्रम गर्न पनि ध्यानाकर्षण गराउनुभयो ।
कार्यक्रमको विशिष्ठ अतिथि नेपाली कांग्रेस रुपन्देही जिल्ला सदस्य एवम वडाका लागि जिल्ला प्रतिनिधि जिवन बन्धु सेवानीले आफूहरुलाई समुदायका हरेक व्यक्तिसँग सम्पर्कमा रही आएका गुनासो जस्ताका त्यस्तै पेश गर्नका लागि खटाइएको र यहाँ उठेका प्रश्नलाई जस्ताको त्यस्तै स्थानीय जनप्रतिनिधि, जिल्ला कार्यसमितिसँगै प्रदेश र केन्द्रमा समेत पठाउने कुरा व्यक्त गर्नुभयो ।
कार्यक्रममा नेपाली कांग्रेस रुपन्देही क्षेत्र नम्बर २ का क्षेत्रीय सदस्य कमला पौडेलले कांग्रेस सबै ठाउँमा अटाउने र अरुले फाइदा लिन तर कांग्रेस आफुले कहिले पनि गरेका कामको जसलिन नसक्दा यो स्थितिमा आएको र जनप्रतिनिधिले जनताका मुद्दालाई राम्रोसंग सुनवाई नगरेको कारणले समस्या थपिँदै जाने कुरा व्यक्त गर्नुभयो ।
कार्यक्रममा नेपाली काँग्रेस नगर सचिव कृष्णप्रसाद कडेलले सबै लागेर कांग्रेस कसरी राम्रो बनाउन सकिन्छ त्यसमा जोड दिन सबैलाई आनुरोध गर्नुभयो ।
कार्यक्रममा क्षेत्रीय प्रतिनिधिहरु प्रेम बहादुर बानिया, हरिहर पछाई, नगर कार्यसम्पादन समिति सदस्य रामचन्द्र ढकाल, वडाका टोल विकास संस्थाका अध्यक्ष एवम प्रतिनिधि, कांग्रेसका क्रियाशिल सदस्य एवम पार्टीका शुभचिन्तकहरुले आफ्नो धारणा राख्दै पार्टीलाई अझै मजबुत र उत्कृष्ट कसरी बनाउन सकिन्छ सबै मिलेर लागेर गराउन पर्ने धारणा व्यक्त गर्नुभएको थियो ।
वडा सभापति मित्रबहादुर एसिले वडाको विकासको काममा आफ्नो पार्टीसंग सहकार्य नगरि एकलौटी रुपमा अगाडी बढेमा वडामा ताला समेत लगाई दिने र पार्टीको नगरको बैठकमा पनि वडाका समस्या बताउँदै सुनवाई नभएमा नगर सभापति राख्ने मिटिङ नै वहिष्कार गर्ने कुरा व्यक्त गर्नुभयो ।
कार्यक्रममा वडा उपसभापति रमा पौडेलको स्वागत, वडा सभापति मित्र बहादुर एसिको अध्यक्षता एवम वडा सचिव तेजेन्द्र बानियाँको सञ्चालनमा सम्पन्न भएको थियो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच