काठमाडौं । मलेसियामा आगामी फेब्रुअरी दोस्रो साता हुने एसिसी महिला प्रिमियर कप महिला क्रिकेट प्रतियोगिताका लागि नेपाल महिला राष्ट्रिय क्रिकेट टोलीको अन्तिम १४ सदस्यीय टोली घोषणा भएको छ । मुख्य प्रशिक्षक मनोज कटवालले दोस्रो चरणबाट चार खेलाडीलाई बाहिर राख्दै अन्तिम टोली घोषणा गर्नुभएको हो ।
प्रतियोगिता मलेसियामा १० देखि १८ फेब्रुअरीसम्म हुनेछ । नेपाली टोलीमा कविता कुँवरले चोटबाट पुनरागमन गर्नुभएको छ । यस्तै, डली भट्ट, कविता जोशी र अप्सरी बेगम पनि राष्ट्रिय टोलीमा फर्किनुभएको छ ।
दोस्रो चरणमा रहनुभएका लक्ष्मी साउद, यशोदा विष्ट, खुसी डंगोल र सबनम राईले भने टोलीमा स्थान बनाउन सक्नुभएन । घोषित नेपाली टोलीमा इन्दु बर्मा (कप्तान), विन्दु रावल, रुविना क्षेत्री, सीता रानामगर, काजोल श्रेष्ठ, संगीता राई, अप्सरी बेगम, कविता जोशी, कविता कुँवर, सम्झना खड्का, डली भट्ट, अश्मिना कर्माचार्य, रोमा थापा, पुजा महतो रहनुभएको छ ।
नेपाली टोलीको सहायक प्रशिक्षकमा जानकी भट्ट, व्यवस्थापकमा अम्बिका बुढाथोकी र फिजियोमा कमला श्रेष्ठ हुनुहुन्छ । प्रतियोगितामा नेपाल, थाइल्याण्ड, युएई, इण्डोनेसिया, हङकङ, चीन, म्यानमार, भुटान, बहराइन, ओमान, कुवेत, सिंगापुर, जापान, कतार र माल्दिभ्स छन् ।
फाइनलमा पुग्ने दुई टोलीले आगामी जुलाईमा हुने महिला टी-२० एसिया कप खेल्न पाउनेछन् । उक्त एसिया कपमा भारत, पाकिस्तान, बंगलादेश, श्रीलंका र छनोटबाट आउने दुई टोली हुनेछन् ।
यस्तै, नेपाली राष्ट्रिय पुरुष क्रिकेट टोलीविरुद्ध एकदिवसीय अन्तर्राष्ट्रिय (ओडिआई) सिरिज खेल्ने क्यानडाको टोली घोषणा भएको छ । नेपाल र क्यानडाबीच यसै साता तीन ओडिआई खेलको सिरिज सुरु हुँदैछ । क्यानडाका प्रशिक्षक पुबुदु दासानायकेले साद बिन जफरको कप्तानीमा आरोन जोन्सन, श्रीमान्थ विजयरत्ने, नवानित धलिवल, कलिम साना डिलो हेलिगर र पर्गत सिंहलाई समेट्दै टोली घोषणा गर्नुभएको हो ।
क्यानडाको टोलीमा साद बिन जफर (कप्तान), आरोन जोन्सन, डिलोन हेलिगर, दिलप्रित बज्वा, हर्ष ठाकर, कलिम साना, नवानित धलिवल, निकोलस किर्तन, निखिल दत्त, पर्गत सिंह, शहिद अहम्दजाइ, श्रेयस मोभा, श्रीमान्थ विजयरत्ने, इश्वरजित सोही, उदय भगवान हुनुहुन्छ ।
नेपालले फेब्रुअरी ८, १० र १२ मा क्यानडासँग ओडिआई सिरिज खेल्दैछ । त्यस्तै, नेपाल ‘ए’ टोलीले पनि क्यानडासँग सिरिज खेल्ने तालिका रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच