काठमाडौं । नेपाल राष्ट्र बैंकका कार्यवाहक गभर्नर डा. निलम ढुंगानाले समग्र अर्थतन्त्रमा समस्या आएका कारण बैंकमा पनि समस्या देखिएको बताउनुभएको छ । तथापि छिमेकी देशहरूको तुलनामा नेपालको एनपिएल कम नै रहेको पनि उहाँले बताउनुभयो । नेपालमा वित्तीय क्षेत्रको आकार र पहुँच विस्तार भएको, निजी क्षेत्रमा जाने कर्जा विस्तार भएको र अर्थतन्त्रका अधिकांश सूचक सकारात्मक देखिएकाले बैंकिङ क्षेत्रमा देखिएका समस्या पनि छिट्टै समाधान हुने उहाँको भनाइ थियो । पुँजीगत खर्च बढे समग्र अर्थतन्त्रमा सकारात्मक असर देखिने ढुंगानाले जिकिर गर्नुभयो । महिला आर्थिक पत्रकार संघ (फेजा) द्वारा आइतबार राजधानीमा आयोजित नीतिगत बहस कार्यक्रम उद्घाटन गर्दै उहाँले यस्तो जिकिर गर्नुभएको हो ।
तर, नबिल बैंकका प्रमुख कार्यकारी अधिकृत ज्ञानेन्द्रप्रसाद ढुंगानाले अर्थतन्त्रले सुधारको गति नलिए अर्को वर्ष बैंकहरूले लाभांश दिन नसक्ने बताउनुभएको छ । उहाँले विगतमा कहिल्यै नदेखिएको समस्या अहिले अर्थतन्त्रमा देखिएको र त्यसको प्रभाव बैंकमा परेको बताउनुभयो ।
अहिले बजारमा खरिदबिक्रीदेखि उधारो उठ्ने काम सुस्ताएको र समग्र अर्थतन्त्रमा नै समस्या आएकाले बैंकको रिकभरीमा नराम्रोसँग हिट गरेको उहाँको भनाइ थियो । सोही कारण अर्थतन्त्रमा सुधार नभएमा बैंक तथा वित्तीय संस्थाहरूले थप समस्या झेल्नुपर्ने पनि सिइओ ढुंगानाले बताउनुभयो । मुलुकमा पुँजीगत खर्च बढाउनेभन्दा पनि बजेट घटाउने परिपाटीले अर्थतन्त्रमा समस्या आएको उहाँले जिकिर गर्नुभयो ।
अर्थविद् प्राडा शिवराज अधिकारीले अब बाहृय क्षेत्रमात्र सहज छ भनेर ढुक्क हुने अवस्था नभएको भन्दै अर्थतन्त्र चलायमान बनाउनुपर्ने आवश्यकता आंैल्याउनुभयो । नेपाल राष्ट्र बैंकका कार्यकारी निर्देशक डा. प्रकाश श्रेष्ठले बाहृय क्षेत्र राम्रो भए पनि आन्तरिक क्षेत्रमा अझै समस्या रहेको बताउनुभयो । तथापि दुई वर्षअघि भन्दा अहिले केही सुधार भएको पाटोलाई भन्ने भुल्न नहुने उहाँको भनाइ थियो ।
आन्तरिक मागमा कमी आउँदा अर्थतन्त्र गतिशील हुन नसकेको उल्लेख गर्दै श्रेष्ठले भन्नुभयो, ‘सरकारको वित्त व्यवस्थापनमा कमजोरी भइरहेको छ । वित्तीय नीति सात सय ६१ र मौद्रिक नीति एउटामात्र छ । मौद्रिक नीतिले धेरै सम्बोधन गरेको छ, अब वित्तीय नीतिले पनि बुझेर आफ्नो भूमिका निर्वाह गर्नुपर्छ ।’
तर, नेपाल बैंकर्स संघका अध्यक्ष सुनिल केसीले नेपाली बैंकहरू ट्याकल गर्नै नसक्ने अवस्थाबाट बाहिर आइसकेको दाबी गर्नुभयो । तरलताको हिसाबले नेपाली बैंक सबैभन्दा उत्तम अवस्थामा रहेको उहाँको जिकिर थियो । अध्यक्ष केसीले भन्नुभयो, ‘बैंकहरूले ४० वर्ष अवधिमा अधिकांश समय केही न केही चुनौती सामना गरिरहनुप¥यो । तैपनि बैंकिङ क्षेत्रले गरेको वित्तीय समावेशिताको योगदान उच्च छ । विश्वका शक्तिशाली बैंकहरूमा नकारात्मक संकेत देखिरहेको छ । नेपालका बैंकहरू सहज अवस्थामा छन् ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच