काठमाडौं । फेरिल्याण्ड र ग्रिनल्याण्ड प्रथम किङडम हिमालयन अन्तरविद्यालय बास्केटबल प्रतियोगिताको सिनियर गल्र्सतर्फ फाइनलमा प्रवेश गरेका छन् । फेरिल्याण्डले आयोजक किङडम हिमालयनलाई २०-१८ ले पराजित गर्यो । फेरिल्याण्डकी कृति कटुवालले ११ अंक जोड्नुभयो । ग्रिनल्याण्डले पिपुल्स एकेडेमीलाई २२-४ ले सहजै हरायो । ग्रिनल्याण्डकी बिहानी राईले १२ स्कोर गर्नुभयो ।
सिनियर ब्वाइजमा इडेन ब्रिज एकेडेमी (इबिए) ले प्राञ्जलीलाई ३९-३३ तथा विल्सन एकेडेमीले जेनिथलाई ५५-३९ ले पाखा लगाउँदै उपाधि भिडन्त पक्का गरे । इबिएका सुहान भण्डारीले २१ तथा विल्सनका अनुप मगरले १९ अंक बटुल्नुभयो ।
जुनियर ब्वाइजमा भ्याली पब्लिकले सेबलाई २५-१६ तथा हिमरश्मीले स्काइलार्कलाई १९-१६ ले पन्छ्याउँदै फाइनल यात्रा तय गरे । भ्याली पब्लिकका अर्जुन विकले १० तथा हिमरश्मीका आयुश पोखरेलले १४ स्कोर गर्नुभयो ।
यता मिलन धर्मस्थली आठौँ अर्किड कप अन्तरविद्यालय जुनियर छात्र फुटबल प्रतियोगिताको क्वाटरफाइनलमा प्रवेश गरेको छ । मिलन धर्मस्थलीले आयोजक अर्किड ‘बी’ लाई टाइब्रेकरमा ४-३ गोलले पराजित ग¥यो । निर्धारित समयको खेल ३-३ गोलको बराबरीमा सकिएको थियो । कौटिल्य पनि निर्मल ज्योतिलाई टाइब्रेकरमा ५-३ ले हराउँदै क्वाटरफाइनलमा पुग्न सफल भयो । निर्धारित समयको खेल १-१ को बराबरीमा टुंगिएको थियो ।
अन्य प्रतिस्पर्धामा गेटवे एकेडेमीले अर्किड ‘ए’ लाई ३-० गोलले पाखा लगायो । गेटवेका कृजल श्रेष्ठले २ तथा रोशन मगरले १ गोल गर्नुभयो । एपेक्स लाइफले एम्सलाई २-१ गोलले पन्छायो । एपेक्सका गुगल बसौला र सुहम कार्कीले समान १-१ गोल गर्नुभयो । एम्सका विराट भण्डारीले १ गोल फर्काउनुभयो ।
अक्षरिकाले बालवाटिकालाई ४-० गोलले निराश पार्यो । अक्षरिकाका निसम थापाले २ तथा सुनिल कार्की र सक्षम गौतमले समान १-१ गोल गर्नुभयो । श्रमशील विद्यापीठले ग्रामरको चुनौती १-० गोलले समाप्त पार्यो । एलिश मगरले निर्णायक गोल गर्नुभयो । वेस्ट ग्रुप भिजनविरुद्धको खेलमा त्रिज्योति ३-० गोलले विजयी भयो । त्रिज्योतिका रुमित तामाङ, पद्मबहादुर मगर र गौरव तामाङले समान १-१ गोल गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच