काठमाडाैं । एक अमेरिकी कम्पनी चन्द्रमामा अन्तरिक्ष यान अवतरण गराउने पहिलो व्यावसायिक कम्पनी बनेको छ । हृयुस्टनमा रहेको इन्ट्युसिभ मेसिन्सले शुक्रबार ओडेसस रोबोटलाई चन्द्रमाको दक्षिणी ध्रुव नजिकै अवतरण गराउन सफल भएको हो ।
फ्लाइट डाइरेक्टर टिम क्रेनले आफ्नो उपकरण चन्द्रमाको सतहमा अवतरण गरेको पुष्टि गर्दै संकेतहरू प्राप्त गर्न सुरु गरेको जानकारी दिनुभयो । क्रेनले यो घोषणा गरेपछि कम्पनीका कर्मचारीहरूले ताली बजाउँदै खुसीयाली मनाएका थिए ।
कुनै व्यावसायिक कम्पनीका लागि मात्र नभएर अमेरिकाको अन्तरिक्ष कार्यक्रमका लागि पनि यो महŒवपूर्ण पल थियो । योसँगै चन्द्रमाको सतहमा अमेरिकाको ५० वर्षको अनुपस्थिति अन्त्य भएको छ । अमेरिकाले पछिल्लोपटक सन् १९७२ मा एपोलो मिसनअन्तर्गत अन्तरिक्ष यानलाई चन्द्रमाको सतहमा अवतरण गराएको थियो ।
ओडेसस रोबोट अवतरण गरेको स्थान मालापर्ट नामक पहाडी क्षेत्र नजिक रहेको छ । कुनै पनि अन्तरिक्ष यान पुगेको चन्द्रमाको यो सबैभन्दा दक्षिणी भेग हो । आर्टेमिस कार्यक्रमअन्तर्गत नासाले यो दशक अन्तरिक्ष यात्रीहरूलाई चन्द्रमामा पठाउने योजना बनाएको सम्भावित ठाउँहरूमा यो स्थान पनि पर्दछ ।
यो क्षेत्रमा गहिरो क्रेटर (खाडल)हरू रहेका छन्, जहाँ कहिले पनि सूर्यको किरण पर्दैनन् । सधैँ अन्धकार रहने क्षेत्रमा जमेको पानी हुन सक्ने वैज्ञानिकहरूको अनुमान छ ।
एजेन्सी
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच