औगादुगु । उत्तरी बुर्किना फासोमा एक क्याथोलिक चर्चमा आइतबारको प्रार्थनासभाका क्रममा गरिएको ‘आतंकवादी’ हमलामा कम्तीमा १५ व्यक्ति मारिएका छन् । आक्रमणमा दुईजना घाइते भएका चर्चका एक वरिष्ठ अधिकारीले बताएका छन् । डोरी सुबाका पादरी जिन-पियरे सवाडोगोेले विज्ञप्तिमा भन्नुभएको छ, ‘फेब्रुवरी २५ मा आइतबारको प्रार्थनासभाका लागि जम्मा भएका एस्साकेन गाउँको क्याथोलिक समुदायका मानिस आतंकवादी हमलाको सिकार भएको हामी तपाईंको ध्यानाकर्षण गराउँछौँ ।’
मृत्यु हुनेको संख्या १५ पुगेको र दुईजना घाइते भएको उहाँले जानकारी दिनुभयो । बुर्किना फासोमा शान्ति सुरक्षाका निम्ति आहृवान गर्दै सावाडोगाले मृत्यु र आतंक मच्चाउने मानिसको निन्दा गर्नुभयो । हमला भएको एस्साकेन गाउँ मुलुकको उत्तरपूर्वी बुर्किना फासो, माली र नाइजरको साझा सीमानजिकै ‘तीन सीमा’ क्षेत्रका रूपमा चिनिन्छ ।
सन् २०१५ मा बुर्किना फासो र नाइजरमा जिहादी विद्रोह विस्तार भएको थियो । सन् २०२२ मा एक वर्षभन्दा पनि कम समयमा मुलुकमा दोस्रो सत्ता विद्रोहका रूपमा क्याप्टेन इब्राहिम ट्रोरेले सत्ताकब्जा गर्नुभएको थियो । दुवै सत्ता विद्रोह जिहादी हिंसालाई रोक्न सरकारको असफलतामाथि असन्तोषका कारण उत्पन्न भएको थियो । उक्त हिंसामा बुर्किना फासोमा कम्तीमा २० हजार मानिस मारिएका थिए । २० लाखभन्दा बढी मानिस विस्थापित भएका थिए । रासस/एएफपी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच