पाल्पा । पाल्पामा पुरानो ग्रिनेड फेला परेको छ । यहाँको तानसेन नगरपालिका-११, जोगीपानीमा ग्रिनेड फेला परेको हो ।
माओवादी सशस्त्र द्वन्द्वका बेला राखिएको हुनसक्ने आशंका गरिएको ग्रिनेड जोगीपानीस्थित लिपिन्देवी आधारभूत विद्यालयनजिकै भेटिएको प्रहरीले जनाएको छ । गस्तीमा गएको नेपाली सेनाको दि फेमस महीन्द्रदल गणका एलआरपी टोलीले ग्रिनेड फेला पारेको जिल्ला प्रहरी कार्यालय पाल्पाका प्रहरी प्रमुख एसपी नरेन्द्र चन्दले जानकारी दिनुभयो ।
बाँझो बारी नजिकैको झाँडीमा प्लास्टिकको ग्रिनेड फेला परेको एसपी चन्दले बताउनुभयो । उहाँका अनुसार नेपाली सेनाले उक्त ग्रिनेड डिस्पोज गर्ने तयारी गरिरहेको छ । पुरानो जस्तो देखिने उक्त ग्रिनेडका विषयमा थप अनुसन्धान भइरहेको प्रहरीले जनाएको छ ।
पाल्पामा बेला बेलामा विभिन्न स्थानमा बम र तिनमा प्रयोग हुने सामानहरु भेटिने र सेनाले डिपोज गर्ने गरिरहेको छ । गत वर्ष पनि तानसेनस्थित जिल्ला अस्पताल नजिकै गोलाखानामा घडेरी खन्ने क्रममा तीन सय ३० भन्दा बढी तोपका गोला भेटिएका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच