काठमाडौं । साधना म्युजिक रिवार्डको चौथो संस्करण सम्पन्न भएको छ । काठमाडौंमा एक विशेष समारोहबीच विभिन्न २३ विधाका सर्जकजलाई रिवार्ड गरिएको हो । सामना म्युजिक क्रियशनको आयोजनामा गरिँदै आएको रिवार्ड कार्यक्रममा सभापतित्व क्रियशनकी अध्यक्ष सामना साहले गर्नुभएको थियो भने समारोहको प्रमुख अतिथि चलचित्र विकास बोर्डका अध्यक्ष भुवन केसी हुनुहुन्थ्यो ।
समारोहमा रिष्ठ संगीतकार मेलोडी किङ शम्भुजित बाँस्कोटालाई दीर्घसाधना सम्मान अर्पण गरिएको थियो । सो अवसरमा र्याप गायक भरत समारीलाई साधना संगीतकर्मी सम्मान, कलाकार मोडल विजेन्द्र नौवागेलाई साधना कला सम्मान, लोक सञ्चारकर्मी चन्द्रमणी गौतमलाई साधना लोक सञ्चाकर्मी पत्रकारिता सम्मान, वरिष्ठ साहित्यकार दामोदर पुडाशैनी किशोरलाई साधना विशिष्ट साहित्य सम्मान, सञ्चाकर्मी गोमा परियारलार्इं साधना सञ्चारकर्मी सम्मान, सञ्चारकर्मी कमला जोशीलाई साधना रंगपत्रकारिता सम्मान, फेशन डिजाइनर कोपिला सुनारलाई साधना फेशन डिजाइनर सम्मान, गायक तथा संगीतकार नवराज ढुंगानालाई संगतिकर्मी सम्मान, सर्जन डा.प्रकाश पौडेललाई साधना गीतकार सम्मान, कलाकार मोडल प्रमिता राजघतानीलाई साधना कला सम्मान, मेकअप आर्टिष्ट प्रशिक्षक संगीता रानालाई साधना सौन्दर्यकर्मी सम्मान तथा कलाकार मोडल साया भण्डारीलाई साधना कला सम्मान प्रदान गरिएको थियो ।
रिवार्डको जुरीका रूपमा गायिका सरु गौतम, गायिका कालिका रोक्कामगर एवं मोडल सञ्जु न्यौपानेलाई प्रमाण पत्र प्रदान गरिएको थियो भने सोविता सुर्खेती, पुष्पा परियार, सपना शाही, उमेश लम्साललगायतलाई कदरपत्र प्रदान गरिएको थियो ।
कार्यक्रममा प्रमुख अतिथि केसी, विशिष्ठ अतिथि एवं आवाजको दुनियाँको साथी दिनेश डिसी, वरिष्ठ सञ्चारकर्मी एवं रिवार्डका सल्लाहकार शान्तिप्रियले आ-आफ्नो भनाइ राख्नुभएको थियो ।
सञ्चारकर्मी दीपज्योति थापाले सहजीकरण गर्नुभएको समारोहमा अतिथिका रूपमा गायक सीताराम पोख्रेल, निर्देशक माधवराज खरेल, अभिनेता गजित विष्ट, वरिष्ठ चलचित्र सम्पादक नरेन्द्र खड्का, गीतकार रामचन्द्र ढकाल, सञ्चारकर्मी सुमन बैरागी, सञ्चारकर्मी डब्बु क्षेत्री, गायिका सीता केसी, चलचित्र पत्रकार संघका अध्यक्ष समिर बलामीलगायत रहनुभएको थियो ।
समारोहमा लोकदोहोरी विधातर्फ सर्वोत्कृष्ट लोकगीत शम्भु कँुबरको ‘माइली’, शब्दमा सन्तोष केसीको ‘घर कहाँ हो बैनीको’, लयमा प्रितम पोख्रेलको ‘मुसी’, गायकमा ‘डाँडैको टुनी’बाट अर्जुन सापकोटा, गायिकामा ‘पछेउरी शाटन’ बाट नलिना परियार, पुरुष मोडल अभिनयमा ‘बरै बाट’ विराज विष्ट, महिला मोडल अभिनयमा ‘तिम्रो घरमा मेरी छोरी’बाट टीका जैशी, पुरुष मोडल नृत्यमा ‘उपहार रातो सल’बाट रविन सिंह ठकुरी, महिला मोडल नृत्यमा आरुषि मगरले रिवार्ड प्राप्त गर्न सफल हुनुभएको थियो ।
यस्तै आधुनिक पप/पप विधातर्फ शब्द रचनामा ‘मायाको डोरी’बाट विपिन किरण, संगीतमा ‘पिडाबाट’ सरोज कोइराला, गायकमा ‘नखरा’बाट डेविट शंकर, गायिकामा ‘साँन्बाबु’बाट प्रतिमा केसी, मोडल पुरुषमा ‘यो मायामा खोट’बाट विक्रम बुढाथोकी, मोडल महिलामा ‘आँधी रात’बाट निरुता शाही, भिडियो निर्देशकमा ‘आँधी रात’बाटै सिर्जन बरालले रिवार्ड आफ्नो पोल्टामा पार्न सफल हुनुभएको थियो ।
त्यस्तै छायांकार ‘भीरमाहुरी’बाट दुर्गा पौडेल, भिडियो सम्पादकमा ‘सोल्टी बजार’बाट अमृत चापागाईं, एरेञ्जरमा ‘भन साइला’बाट विश्वास नेपालले रिवार्ड प्राप्त गर्नुभयो ।
यस्तै पब्लिक च्वाइस अवार्ड ‘एकदिन उज्यालो छाउला’बाट गोविन्दमधुर आचार्य, जुरी मोडलमा अभिनय ‘नुनको भारी’बाट सरस्वती खत्री, मोडल नृत्यमा ‘फुलफुल्यो अमला’बाट सिम्रन दुलाल, पब्लिक च्वाइस भिडियो निर्देशकमा ‘एकदिन उज्यालो छाउला’बाट काजीश श्रेष्ठले रिवार्ड प्राप्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच