काठमाडौं । शालिन पोखरेलको घटना निष्पक्ष छानबिनको माग गर्दै अस्पताल अगाडि आफन्तले प्रदर्शन गरेका छन् ।
आइतबार त्रिभुवन विश्वविद्यालय शिक्षण अस्पताल महाराजगंज अगाडि मृतक बालिकाका आफन्तले विरोध प्रदर्शन गरेको हुन् ।
उनीहरुले अस्पताल र होस्टेलबिरुद्ध नारा जुलुस गरेका थिए । उनीहरु जबर्जस्ती अस्पताल छिर्न खोजेपछि केहि समय प्रहरीसँगग धकेलाधकेल भएको थियो । केहि प्रदर्शनकारीलाई प्रहरीले नियत्रणमा पनि लिएको छ ।
चितवनको रत्ननगर नगरपालिका–१० स्थित एकता शिशु निकेतनको होस्टेलमा शालिन पोखरेल मृत फेला परेकी थिइन् । गत १० फागुनमा विद्यालयको छात्रावासको कोठामा शालिन मृत अवस्थामा भेटिएकी हुन् ।
घटना अनुसन्धानका लागि प्रहरीले स्कुलका प्रिन्सिपल, भाइस प्रिन्सिपल र होस्टलको वार्डेनलाई पक्राउ गरेर अनुसन्धान गरिरहेको छ ।
शालिनका परिवारले बलात्कारपछि हत्या गरिएको आरोप लगाए पनि पोस्टमार्टम रिपोर्टमा बलात्कार नभएको देखिएको छ ।
त्रिवि शिक्षण अस्पताल, महाराजगञ्जमा गरिएको पोष्टमार्टम जाँचको प्रतिवेदन अनुसार १४ वर्षीया पोखरेलको ‘झुण्डिएको कारण’ मृत्यु भएको रिपोर्टले देखाएको हो ।
उनको शव पोस्टमार्टमका लागि भरतपुर अस्पताल लगिएको थियो । तर, परिवारले अस्पतालको विश्वास नभएको भन्दै दवाव दिएर शव त्यहाँबाट प्रहरीको रोहबरमा काठमाडौं ल्याएको थियो।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच