काठमाडौं । स्वच्छ वातावरण तथा आर्थिक समृद्धिका लागि पुष्प व्यवसाय भन्ने नाराका साथ चैत १ गतेदेखि काठमाडौंको भृकुटीमण्डपमा पुष्पमेला हुने भएको छ । काठमाडौंको भृकुटीमण्डपमा पुष्पमेला अर्थात् २५औँ फ्लोरा एक्स्पो हुने भएको हो । फ्लोरिकल्चर एसोसिएसन नेपाल(फ्यान)को आयोजना तथा पुष्प विकास केन्द्रको सह-आयोजनामा हुने एक्स्पोमा व्यावसायिक स्टल ६०, ल्याण्डस्केपिङ स्टल तीन, अफिसियल स्टल आठ, प्रतियोगितात्मक प्रदर्शनी र फुड स्टल एकसहित ७३ स्टल रहने आयोजकले आइतबार पत्रकार सम्मेलन गरी जानकारी दिएको छ ।
फ्यानका उपाध्यक्ष तथा मेलाका संयोजक सीताराम पन्तले एक्स्पो ५० हजारले अवलोकन गर्ने र करिब एक करोडको व्यावसायिक कारोबार हुने अपेक्षा रहेको बताउनुभयो । चैत ४ गतेसम्म सञ्चालन हुने एक्स्पोमा मौसमी फूल, फूल फुल्ने तथा नफुल्ने आलंकारिक बोटबिरुवा, कटफ्लावर, ड्राइफ्लावर, सुनाखरी, कम्पोष्ट मल, फूलको गानो, बिउबिजन, ग्रिन हाउस, कृषि औजार, उपकरण, प्याकेजिङ सामग्री, थोपा सिँचाइ प्रविधि, आधुनिक पुष्पखेती प्रविधि, जैविक विषादी, पुष्प सजावटका स्टल रहने आयोजकले जनाएको छ ।
विगत वर्षमा झैँ यस वर्ष पनि एक्स्पोमा सहभागी विभिन्न पुष्प व्यवसायीद्वारा उत्पादित फूल बिरुवाका विभिन्न विधामा उत्कृष्ट स्टल, उत्कृष्ट ल्याण्डस्केपिङ, उत्कृष्ट मौसमी फूल, उत्कृष्ट आलंकारिक बिरुवा, उत्कृष्ट आलंकारिक फुल्ने बिरुवा, उत्कृष्ट पुष्प सजावट, उत्कृष्ट कटफ्लावर (गुलाब, जरबेरा र कार्नेशन) बीच स्वच्छ प्रतिस्पर्धा गराई उत्कृष्ट व्यवसायीलाई नगद, शिल्ड र प्रमाणत्रद्वारा पुरस्कृत गरिने पनि आयोजकले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच