भोजपुर । २०७५ सालबाट भोजपुर सदरमुकाममा संचालित भोजपुर बहिरा आवासीय आधारभूत विद्यालयले आइतवार अभिभावक भेला सम्पन्न भएकाे छ ।
साे अवसरमा विद्यालयलाई सहयोग गर्ने सहयोगदाता र प्रतिभाशाली विद्यार्थीलाई सम्मानसहित दुई छात्रालाई अक्षयकोषबाट पुरस्कृत गरेको छ ।
विद्यालय ब्यवस्थापन समितिका अध्यक्ष सिताराम ओझाको अध्यक्षता तथा भोजपुर नगरपालिका वडा नम्वर ९ का वडाध्यक्ष रामबहादुर तामाङको प्रमुख आतिथ्यमा भएको अभिभावक भेलामा विद्यालयका प्रधानाध्यापक सरिता तामाङले बिद्यालयको प्रतिवेदन प्रस्तुत गर्नु हुँदै विद्यालयको नाममा जग्गा नहुँदा भवन निर्माणमा समस्या भएको, बाल मैत्री कक्षाकोठा अभाव भएको, अभिभावकका लागि सचेतीकरणका कार्यक्रम जरुरी रहेको, पालिकाहरुले बहिरा बालबालिकाहरुलाई बिद्यालयसम्म ल्याउन समन्य गरि दिनु पर्ने लगायतका बिषयमा सरोकारवालाहरुको ध्यानाकर्षण गराउनु भएको थियो । विद्यालयमा हाल २३ विद्यार्थी, पाँच शिक्षक कर्मचारी कार्यरत रहँदै आएको प्रअ तामाङले जानकारी दिनुभयो ।
हाल कक्षा ५ सम्म पठनपाठन हुँदै आएको विद्यालय अहिले बाल संगठनको नाममा रहेको जग्गाबाट संचालनमा रहदै आएको छ । संगठनले बिद्यालयलाई पुरानो भवनबाट मात्र कक्षा ंसंचालनको अनुमति दिएकाले भौतिक पूर्वाधार निर्माणका कामहरु हुन नसकिरहेको बिद्यालयले जनाएको छ । सोक्रममा प्रदेश स्तरीय तथा जिल्ला स्तरीय नृत्य तथा गायन प्रतियोगितामा उत्कृष्ठ भएर फाइनल चरणमा पुग्न सफल बिद्यालयका छात्र दालाक्पा शेर्पा र छात्रा कौशिका ल्वागुनलाई प्रशंशापत्र समेत प्रदान गरिएको छ ।
यस्तै हाल अमेरिकामा रहनु भएका अमिन श्रेष्ठले विद्यालयमा स्थापना गर्नु भएको रत्नकुमार चन्द्रलक्ष्मी अक्षयकोषको रकमबाट कक्षा ५ मा अध्ययरत छात्रा दिलिना मगर र सिर्जना तामाङलाई नगद पाँच–पाँच हजारबाट पुस्कृत समेत गरिएको छ भने भोजपुर नगरपालिका ७ की आश्री श्रेष्ठले स्थापना गरेको ५० हजार राशीको अक्षयकोषको ब्याज रकमबाट बिद्यालयलाई शैक्षिक सामाग्रीहरु प्रदान गरिएको छ । पुरस्कार र सामाग्री अक्षयकोषदाताका प्रतिनिधी डम्बर श्रेष्ठले हस्तान्तरण गर्नुभयो ।
यस्तै जीवन विकास लघुबित्त बित्तीय संस्था लिमिटेड भोजपुरका प्रमुख खगेन्द्र चौलागाईले बिद्यालय झोला र शैक्षिक सामाग्री बिद्यालयलाई हस्तान्तरण गर्नुभयो । सोक्रममा बिद्यालयलाई योगदान पुर्याउने संघ संस्था तथा ब्यक्तिहरुलाई सम्मान पत्र प्रदान गरिएको थियो ।
भेलाका प्रमुख अतिथि तामाङले विद्यालयको भौतिक पूर्वाधार निर्माणमा पहल भई रहेको बताउँदै बाल संगठनको नाममा रहेको जग्गा बिद्यालयको नाममा आउन नसक्दा समस्या देखिएको बताउनुभयो । बिद्यालयको शैक्षिक सुधारमा अभिभावकहरुको पनि महत्वपूर्ण भुमिका हुने भएकाले त्यसतर्फ लाग्न अभिभावकहरुलाई आग्रह समेत गर्नुभयो ।
विद्यालयलाई नमुना बनाउन लागि परेको बताउँदै विद्यालय ब्यवस्थापन समितिका अध्यक्ष ओझाले पहाडी जिल्लाहरुका लागि पनि भोजपुरमा संचालित विद्यालय उपयोगी हुने भएकाले सरोकारवाला निकायहरुले विद्यालयको ब्यवस्थापनमा सहयोग गर्न आवश्यक रहेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच