भोजपुर । १२ बर्षदेखि कर्तब्य ज्यान मुद्दामा फरार एक प्रतिवादीलाई जिल्ला प्रहरी कार्यालय भोजपुरले पक्राउ गरेको छ ।
साविक चरम्वी गाउँ विकास समिति ३ (हाल अरुण गाउँपालिका ४) चरम्वी का ३० बर्षिय सौरभ तामाङलाई प्रहरीले पक्राउ गरेको जिल्ला प्रहरी कार्यालय भोजपुरका सुचना अधिकारी प्रहरी निरीक्षक दलकुमार राईले जानकारी दिनुभयो ।
चरम्वीका सिताराम कार्कीको हत्यामा संलग्न रहेका सौरभलाई झापाको कांकडभित्ताबाट बुधवार प्रहरीले नियन्त्रणमा लिई भोजपुर ल्याएको प्रहरी निरीक्षक राईले जानकारी दिनुभयो । घटनामा संलग्न अन्य दुई जना भने फरार रहेकाले खोजी कार्य जारी रहेको प्रहरीले जनाएको छ ।
चामल चोरीको बिषयमा भएको बिवादमा २०६८ साल माघ ७ गते आफनै घरमा बसिरहेको अवस्थामा प्रतिवादीहरु सौरभ सहित तीन जनाले धारिलो हतियार खुकुरी, लाठी, ढुंगा समेत बोकेर गई सितारामको टाउको लगायत शरीरका बिभिन्न भागमा प्रहार गर्दा घटनास्थलमा नै मृत्यु भएको प्रहरीको बिवरणमा उल्लेख गरिएको छ ।
घटना पश्चात जिल्ला अदालत भोजपुरले २०७७ साल फागुन २३ गते घटनामा संलग्न सौरभसहितका प्रतिवादीलाई २० बर्ष कैद सजाए तोकेको थियो । घटनापछि तीनै जना प्रतिवादीहरु फरार रहदै आएको सौरभ भने तराईका जिल्ला हुदै भारतमा पाँच÷छ बर्ष बसेर पुन झापाको कांकडभित्ता तिर लुकी छिपी बसेको प्रहरी निरीक्षक राईले बताउनुभयो । प्रहरीले खोजी गर्नेक्रममा पक्राउ परेका प्रतिवादी सौरभलाई जिल्ला अदालतमा पेश गरी बिहिवार जिल्ला कारागार कार्यालयको थुनामा पठाइएको सुचना अधिकारी प्रहरी निरीक्षक राईले बताउनुभयो ।
अपराधमा संलग्न भई फरार रहेका प्रतिवादीहरुलाई यस अघि पनि पक्राउ गरेर कानुनी दायरामा ल्याएको जिल्ला प्रहरी कार्यालय भोजपुरका प्रहरी प्रमुख डिएसपी सुदिपराज पाठकले बताउनुभयो । उहाँले भन्नुभयो, “समाजमा हुने अपराध न्युनीकरण र फरार प्रतिवादी पक्राउ गर्न प्रहरीले कुनै कसुर बाँकी राख्दैन ।”
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच