-श्याम घिमिरे
अर्घाखाँची । लुम्बिनी प्रदेशका मुख्यमन्त्री जोखबहादुर महराले नेपालमा श्रमको मूल्य धेरै कमी भएकोले नेपाली श्रमीकहरु महंङ्गो मूल्यमा श्रम बेच्न विदेशमा जान बाध्य भएको बताउनु भएको छ ।
सोमवार शान्ति माध्यमिक विद्यालय मालारानी ५ बाँगीको हीरक महोत्सव समारोहको उद्घाटन कार्यक्रमलाई सम्बोधन गर्दे मुख्यमन्त्री महराले विदेश गएका मान्छे कोही पनि तानेर नेपाल फर्कने वाला नभएको भन्दै हरेक बस्तुको मूल्य जसले जहाँबाट बढी प्राप्त गर्छ त्यहाँ लगेर बेच्ने गरेको स्मरण गराउनु भयो । श्रमको मूल्य उच्च बनाउने आँट गरेमा सबै नेपालमै आउने दाबि गर्दै मुख्यमन्त्री महराले गालीले दुनियाा नचल्ने भन्दै बुद्धि विवेकले चल्न सबैलाई आग्रह समेत गर्नुभयो ।
अर्घाखाँची जिल्ला शैक्षिक विकासका हिसाबले धेरै अगाडी बढि सकेको बताउदै महराले यसलाइ निरन्तरता दिनुपर्नेमा जोड दिनुभयो । को निरन्तरता संगै व्यावसायिक तथा वैज्ञानिक शिक्षातर्फ ध्यान दिन सबैलाई आग्रह गर्नुभयो । गुणस्तरीय शिक्षाको खोजीमा मानिसहरु गाउँवाट सहर पसेको भन्दै महराले सामुदायिक विद्यालयमा राज्यले ठुलो लगानी गरेकोले सरकारी विद्यालयमा विद्यार्थीको आकर्षण बढाउन सबै लाग्नुपर्ने बताउनुभयो । मुख्यमन्त्री महराले हिजोको तरिकाले अहिले पढाइ नहुने भन्दै त्यसको लागि समय अनुसार प्रबिधिमा जोडिनुपर्नेमा जोड दिनुभयो ।
लुम्बिनी प्रदेशका मन्त्री चेतनारायण आचार्यले पढ्नकै लागि शहरतिर जाने अवस्थालाई शान्ति माविले अन्त्य गर्न अग्रसर हुनुपर्ने बताउनुभयो । मन्त्री आचार्यले जिल्लाको विकास निर्माणमा जिल्लावासी सधैँ एकजुट हुने गरेको भन्दै आगामी दिनमा पनि यसप्रकारको सहकार्यले निरन्तरता पाउनेमा आफु विश्वस्त रहेको बताउनुभयो ।
संघीय सांसदद्धय शुसिला सिर्पाली र बिजुला रायमाझीले शिक्षक बिद्यार्थी र अभिभावक बिच राम्रो सम्बन्ध भएमा शिक्षा क्षेत्रमा सुधार हुने बताउनुभयो । सांसदद्धयले विद्यार्थीको रुचि र क्षमता अनुसार शिक्षा प्रदान गर्नुपर्नेमा जोड पनि दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच