काठमाडौं । नेपालमा पर्वतीय देशहरुको जलवायु परिवर्तनसम्बन्धि अन्तर्राष्ट्रिय स्तरको संवाद हुने भएको छ ।
वन तथा वातावरण मन्त्रालयले सोमवार सिंहदरबारमा पत्रकार सम्मेलन गरी आगामी जेठको ९ र १० गते सो संवाद गर्न लागिएको जानकारी गराएको हो ।
कोप—२८ मा नेपालले पारेको प्रभाव अनुसार सो अन्तर्राष्ट्रिय स्तरको संवाद कार्यक्रम नेपालमा नै गर्न सम्भव भएको वन तथा वातावरणमन्त्री नवलकिशोर साह सुडीले बताउनु भयो । उहाँले सो अन्तर्राष्ट्रिय स्तरको संवाद कार्यक्रमलाई सफल पार्न तीन वटै तहको सरकारलाई आह्वान गर्नुभयो । सगरमाथाजस्तो हिम शिखर उजाड भएकाले जलवायु परिवर्तनको असर न्युनिकरणका लागि सहयोग गर्न अन्तर्राष्ट्रिय समुदायलाई आह्वान गर्न पनि नेपालले सो संवाद कार्यक्रम आयोजना गर्नुपरेको स्पष्ट पार्नुभयो ।
मन्त्री साहले भन्नुभयो, ‘यो कुनै सरकारको मात्रै समस्या होइन । यो कुनै व्यक्तिको मात्रै समस्या होइन । यो पूरै देशको समस्या हो । देशलाई कसरी अगाडि बढाउने, देशको प्रतिनिधित्व अव लिडरसिपको सवाल छ । हामीले पर्वतीय देशहरुको लिडरसिप कसरी लिने ? यसका लागि हामीले के–के गर्नु पर्छ ? यो सबैको दायित्वको कुरा हो । मात्रै यो वन मन्त्रालय वा सरकारको मात्रै भएर कहिल्यै सक्सेस हुँदैन । त्यसकारण तीन वटै तहको सरकार जो छ । संघीय सरकार, प्रदेश सरकार, स्थानीय सरकारको सहयोग साथै सम्पूर्ण विद्धत समाजका सहयोगको आवश्यक्ता छ । यो कुनै राजनीतिक विषय होइन । यो हामीहरुको जीवनसँग गाँसिएको समस्या हो । यसका लागि हामीले जो, जहाँ छ, त्यहीबाट के सहयोग गर्न सक्नुहुन्छ । पोजेटिभ थिंकिङ गरेर हाम्रो देश, हाम्रो व्यक्तित्व, हाम्रो सम्पूर्ण देशको राम्रो हुन्छ, विश्वमा । हामी कम्ती कार्वनाईअक्साईड उत्सर्जन गर्छौं । सगरमाथा जस्तो ठाउँ उजाड भएको छ । त्यस्तो अवस्था आउन नदिन सबैको सहयोगको याचना गर्दछु ।’
पर्वतीय देशहरुको नेतृत्वदायी भूमिका निर्वाह गर्न पनि सो संवाद कार्यक्रम सहयोगी हुने मन्त्रालयले जनाएको छ । सहसचिव महेश्वर ढकालले नेपालको पर्वतबाट स्वच्छ हावा र सफा पानी आउने र त्यसले विश्व समुदायलाई नै फाईदा पुग्ने भएकाले त्यस सम्बन्धमा छलफल गर्न सो संसद कार्यक्रम उपयोगी हुने बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच