लण्डन । आर्सनल र लिभरपुल आफ्नै घरेलु मैदानमा पराजित भएपछि शीर्ष स्थानमा रहेको म्यानचेस्टर सिटीलाई फाइदा पुगेको छ । उपाधि दाबेदार दुई टोली एकै दिन पराजित भएपछि सिटीले शीर्ष स्थानमा दुई अंकको अग्रता बनाउन सफल भएको हो ।
आइतबार राती सम्पन्न खेलमा आर्सनल एस्टन भिल्लासँग ०-२ गोलले स्तब्ध बन्यो । खेलको अन्त्यतिर भिल्लाले ३ मिनेटको अन्तरमा दुई गोल गरेको थियो । ८४औँ मिनेटमा लियोन बेलीले पहिलो गोल गर्नुभयो भने लगत्तै ओली वाटकिन्सले अर्को गोल थप्दै भिल्लालाई जित दिलाउनुभयो ।
यसअघि आइतबार नै सम्पन्न अर्को खेलमा लिभरपुल आफ्नै घरेलु मैदानमा क्रिस्टल प्यालेससँग ०-१ गोल अन्तरले पराजित भएको थियो । ३२ खेलबाट सिटी ७३ अंकसहित प्रिमियर लिगको शीर्ष स्थानमा छ । समान खेलबाट आर्सनल र लिभरपुलको समान ७१-७१ अंक छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच