काठमाडौं । हेम सरिता पाठक फाउण्डेशनले आयोजना गरेको भ्रष्टाचारविरुद्धको अन्तर्राष्ट्रिय कविता प्रतियोगिता उत्कृष्ट २५ सार्वजनिक गरिएको छ । समाजसेवी हेम पाठक र सरिता पाठक (टेक्सस, अमेरिका)ले स्थापना गरेको सो पुरस्कारमा एक लाख राशिसहित सम्मान पत्र रहेको छ ।
प्रतियोगिताका लागि प्राप्त कविताहरूमध्ये पहिलो चरणमा उत्कृष्ट २५ कविताहरू सार्वजनिक गरिएको हो । उत्कृष्ट २५ कविताहरूको जुम माध्यमबाट प्रत्यक्ष वाचन पनि गराइनेछ । प्रतियोगिताको लागि साहित्यकारहरू प्रमोद प्रधान, प्राडा.गोविन्दमान सिंह कार्की र पारश नेपाल रहेको तीन सदस्यीय निर्णायक समिति बनाइएको थियो ।
समितिले गरेको सिफारिशका आधारमा उत्कृष्ट २५ कवितामा भ्रष्ट भरिया (महेश चौलागाईं), बढ्न थाल्यो भ्रष्टाचार (विजय थापा), आस्थाको पहाडबाट झरिरहेको अस्तित्व (विवेक दुलाल क्षेत्री) र भ्रष्टाचार निवारण चूर्ण (गम्भीर दुवाडी) छन् । अन्य कवितामा पुनः एकपल्ट जमिनले बोलाउनेछ (मन्दीप बाँस्कोटा), ऊ फेरि सिद्धिनेछ (नवचन्द्र ओली), सावधान (रूपा थापा), भ्रष्ट-आचारी (रुद्र अधिकारी) र मेरो देशको अनुहार (शंकर शर्मा) समावेश छन् । देशका शत्रु (मदन घिमिरे), उम्रिऊन् बोधिवृक्ष विवेकका (विन्दा पराजुली बराल), भ्रष्टचारीको अन्तिम इच्छा (तोया भट्ट), एक याचना (विश्व कुइकेल), धुर्तलाई समात (संयोग बस्याल), भ्रष्टाचारविरुद्ध (इन्द्रनारायण सुवेदी) र कत्ति छुट छैन (प्रज्वल अधिकार) पनि २५ कवितामा छन् ।
अन्य कवितामा प्रतिक्षा (मणिकुमार श्रेष्ठ सिजन), भ्रष्टाचारविरुद्ध युवाको अपिल (शरद्शोभा), निष्ठाको कर्मयुद्द (मधुर भट्टराई (गिरिराज भट्टराई), आहृवान (सुन्दर शिरीष), धर्ती सेतो रहोस् (दीपिन सिजापति), झुपडीका मुठीहरू (निशान निष्कर्ष), बतासको बह (विकल त्यागी), भ्रष्टाचार प्रताडित मातृभूमि (सुमन भट्टराई) र दुस्स्वप्न (वासु पन्थी ‘देवस्म’) रहेका छन् । उत्कृष्ट २५ कविताहरूको वाचन कार्यक्रम कै दिन पुरस्कृत कविको नाम घोषणा गरिने जनाइएको छ । त्यसपछि काठमाडौंमा कार्यक्रमको आयोजना गरी पुरस्कार प्रदान गरिने र उत्कृष्ट पच्चीस कविताको पुस्तक प्रकाशन गरिने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच