काठमाडौं । ‘आफ्नै गाउँ, आफ्नै ठाउँ, आफ्नै भाषा, आफ्नै चलचित्र’ भन्ने नाराका साथ सेलिब्रेटी नेपालको आयोजनामा वैशाख ६ देखि ८ गतेसम्म हुने ‘तेस्रो नेपाल ग्रामीण चलचित्र महोत्सव’मा अफिसियल सेलेक्सन भएका चलचित्रलाई सर्टिफिकेट प्रदान गरिएको छ । सोमबार प्रि–इभेन्ट आयोजना गर्दै प्रमाणपत्र प्रदान गरिएको हो ।
कार्यक्रममा उद्योग, बाणिज्य तथा आपूर्तिमन्त्री दामोदर भण्डारीले चलचित्र क्षेत्रलाई सरकारले आवश्यक सहयोग गर्ने बताउनुभयो । उहाँले कलाकार नै देशको गहना भएकाले सरकारले कलाकार र चलचित्र क्षेत्रलाई उद्योगको रूपमा विस्तार गर्ने लक्ष्य रहेको जनाउनुभयो ।
महोत्सवमा गाउँको कथावस्तुमा आधारित चलचित्र समेटिएको सेलिब्रेटी नेपालका अध्यक्ष रघुनाथ सापकोटाले बताउनुभयो । नेपाल ग्रामीण चलचित्र महोत्सव तीन वर्षदेखि सिनेमा घर नभएका जिल्लामा गाउँले परिवेशमा निर्माण गरिएका शर्ट फिल्म, डकुमेन्ट्री र फिचर फिल्मलाई सहभागी गराएर गाउँगाउँका दर्शकसमक्ष अत्याधुनिक प्रविधिमा स्क्रिनिङ गर्ने र उत्कृस्ट फिल्मलाई अवार्ड प्रदान गरिँदै आएको छ । यस वर्ष रामेछाप नगरपालिका ८, रामेछाप बजार स्थित गौरिशंकर उच्च मा.वि.मा कार्यक्रम गरिने सापकोटाले जानकारी गराउनुभयो ।
महोत्सवका संयोजक कमल एक्चै मगर रहनुभएको छ । उहाँले आफ्नै गृह जिल्ला रामेछापमा महोत्सव हुँदा खुशी लागेको बताउनुभयो । महोत्सवमा चलचित्र विकास बोर्डका पूर्वअध्यक्ष दयाराम दाहालको संयोजकत्वमा पाँच सदस्य जुरी कमिटी छ । जसमा गणेश पाण्डे, भरत रेग्मी, ज्योतिराज राई र कुबेरराज गिरी हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच