गुल्मी । गुल्मीको रेसुङ्गा नगरपालिका- ९ उपल्लो तम्घास निवासी बिन्दु पन्थी मरासिनीले आफ्नो जन्मदिनको अवसरमा गो सेवासंगै अनाथ आश्रमका बालबालिकालाई पोशाक र शैक्षिक सामग्री वितरण गर्नुभएको छ ।
उहाँले ऐतिहासिक तथा धार्मिक एवम् पर्यटकीय स्थल रेसुङ्गा क्षेत्रको चौतारामा अवस्थित गौशालामा रहेका गाईहरुलाई दाना, नुन खुवाएर गाईहरुको आहारका लागि नुन र केहि बोरा दाना हस्तान्तरण गर्नुभयो । महिला उद्यमी समेत रहनुभएकी उहाँले तिलोत्तमा नगरपालिकामा अवस्थित अविनास अनाथ आश्रमका १९ जना बालबालिकालाई शैक्षिक सामग्री र स्कुल ड्रेस सहयोग गर्नुभयो ।
पछिल्लो समय जन्मदिन मनाउने बहानामा हजारौं रकम होटल रेस्टुरेन्टमा खर्च गर्ने चलन बढ्दै गएको हुँदा त्यसको अन्त्यका लागि जन्मदिनमा गर्ने फजुल खर्चलाई कटौती गरेर गो सेवासंगै अनाथ आश्रमका बालबालिकालाई सहयोग गरेको उहाँले बताउनुभयो ।
जन्मदिनको नाममा समाजमा हुने भड्किलो गतिविधिलाई रोक्न र सभ्य समाज निर्माणका लागि हरेक वर्षको जन्मदिनमा समय र पैसा सामाजिक काममै खर्चिने गरेको बताउनुभयो । परिवारका सबै सदस्यहरुको जन्मदिन समेत विगतका केही बर्षदेखि समाजिक कार्य नै गरेर मनाउँदै आईरहेको भन्दै उहाँले जन्मदिन तथा विभिन्न उत्सवका बहानामा गरिने खर्च सामाजिक कार्यमा गर्न जरुरी रहेको बताउनुभयो ।
त्यस अवसरमा रेसुङ्गा संरक्षण समितिका अध्यक्ष सुरेशचन्द्र भुसालले गो सेवा पुण्य कर्म मात्र नभएर गो रक्षा र सेवाका निमित्त प्रतिदिन एक रुपैयाँका दरले आर्थिक सहयोग गर्न सकिने बताउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच