काठमाडौं । चीनमा आयोजना हुने अन्तर्राष्ट्रिय प्रतिस्पर्धामा भाग लिन २० सदस्यीय उसु खेलाडी टोली आज (आइतबार) त्यसतर्फ प्रस्थान गर्दैछ । अन्तर्राष्ट्रिय उसु महासंघले गरेको खेलमा नेपालले विभिन्न विधामा सक्रिय सहभागिता जनाउने भएको छ । सहभागी हुने टोलीको नेतृत्व नेपाल उसु महासंघका महासचिव ल्हाक्पा छिरिङ लामाले गर्नुहुनेछ ।
यसपटकको अन्तर्राष्ट्रिय खेलमा उसु याउलु विधामा अन्तर्राष्ट्रिय खेलाडीहरू विजय सिंजाली, दीपक हमाल, पासाङ शेर्पा, राजीव तामाङ, निमा घर्तीमगर र सावेत राईको परीक्षण हुनेछ । उसु सासौ विधामा किरणसिंह साउद ९० केजी, सञ्जीव महर्जन ८० केजी, समन धुस्री ६० केजी, अमर सुनार ६५ केजी र रोहित चुनारोले ५६ केजीमा प्रतिस्पर्धा गर्नुहुनेछ ।
यसैगरी महिलातर्फ विधा गुरुङ ५६ केजी, नविना विक ५२ केजी र लुमनित श्रेष्ठले ६५ केजीमा खेल खेल्नुहुनेछ । प्रशिक्षकको भूमिकामा निकेश श्रेष्ठ, जुनी राई, करुणा महर्जन, बोर्ड सदस्य साम्देन शेर्पा, मन्जुर महर्जन रहनुहुनेछ । यस प्रतियोगितामा छनोट हुने खेलाडीले अक्टोबर र नोभेम्बरमा जापान-अस्ट्रेलियामा आयोजित अन्तर्राष्ट्रिय प्रतिस्पर्धामा सहभागी हुने अवसर पाउने महासंघका अध्यक्ष वीरबहादुर तामाङले जानकारी दिनुभयो ।
अन्तर्राष्ट्रिय प्रतियोगितामा सहभागी हुन जान लागेका खेलाडीहरूलाई बिदाइ गर्दै नेपाल ओलम्पिक कमिटीका अध्यक्ष तथा पूर्वमन्त्री जीवनराम श्रेष्ठले नेपाली खेलाडीको प्रदर्शन उच्चकोटिको हुने विश्वास व्यक्त गर्नुभयो । सो अवसरमा राष्ट्रिय खेलकुद परिषद्का सदस्य–सचिव टंकलाल घिसिङले नेपालकै खेलकुद इतिहासमा नेपालको प्रदर्शन उत्साहजनक हुने विश्वास जनाउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच