शहिद परिवार भेटघाट गर्दै पूर्वमन्त्री किराती

निरोज कोइराला भोजपुर, संवाददाता

१० बैशाख २०८१, सोमबार १७:१३

Read Time = 3 mins

डिजिटल संस्करण

कोशी प्रदेश

प्रदेश समाचार

A A- A+

भोजपुर । पूर्व पर्यटनमन्त्री तथा माओवादी केन्द्रका नेता सुदन किरातीले शहिद परिवारसँग भेटघाट गर्नु भएको छ ।

बैशाख २ गतेबाट सुरु भएको मुन्दुम पदमार्ग यात्राका क्रममा किरातीले शहिदका परिवार र घाइते अपंगाहरुलाई भेट गर्नु भएको हो ।

किरातीले भन्नुभयो, “म यो अभियान वसन्त ऋतु भरी निरन्तर चलाउने छु । खासगरी जनुयुद्धको शहिदका परिवार र घाइते अपंगाहरुलाई भेट गरिरहेको छु, संगै बर्तमान राजनीति प्रति युवाहरुको बुझाई कस्तो छ भन्ने बिषयमा अन्तरक्रिया पनि चलाई रहेको छु ।”

बिगत ५ दिन देखि माओवादी नेता किरातीसहितको टोली मुन्दुम पदमार्ग यात्रामा छ । खोटाङबाट पार्टी नेता कार्यकर्तासँग भेटघाटमा निस्कनु भएका किरातीले सोलुखुम्बु, संखुवासभा र भोजपुरको संगमस्थलकारुपमा अवस्थित चार हजार तीन सय ५५ मिटर उचाईको सिलिचुङ पहाड पनि चढनु भएको थियो । सोही क्रममा त्यही स्थानमा किरात राईहरुको पूर्खा सुम्निमा र पारुहाङको प्रतिमा अनावरण पनि किरातीले गर्नु भएको थियो ।

किरातीले अहिले सोलुखुम्बुको महाकुलुङ गाउँपालिकास्थित विभिन्न गाउँहरुमा जनयुद्धका शहिद परिवार र घाइतेहरुसंग भेटघाट गरि रहनु भएको छ । नेता किराती गाउँगाउँमा पुग्दा माओवादी शुभेच्छुकहरुमा आशा पलाएको स्थानिय विकास राईले बताउनुभयो । नेता किरातीले शहिद परिवारलाई कपडा उपहार दिएर सम्मान समेत गर्नु भएको छ ।

किराती भन्नुहुन्छ, “माओवादी पार्टीको जरा भनेकै जनता हुन्, फेरिपनि जरामा फर्किएर आफ्नो तर्फबाट भएको कमजोरी प्रति समिक्षा गर्नै पर्छ । अन्यथा जरा र माटो छाडेपछि पात पहेल हुदैै जानेछ ।”

सरोकार

यो खबर पढेर तपाईलाई कस्तो महसुस भयो ?