हेटौंडा । बागमती प्रदेशको स्वास्थ्यमन्त्री रामेश्वर श्रेष्ठले प्रदेशमा जतिपनि अपांगता भएका व्यक्तिहरुका स्वास्थ्य सुविधाका लागि मन्त्रालयले आवश्यक पहल गर्ने बताउनुभएको छ ।
आज राष्ट्रिय अपांङ्ग महासंघको आयोजनामा सामाजिक विकास मन्त्रालयको सभाहलमा छलफल तथा बधाई कार्यक्रममा बोल्दै मन्त्री श्रेष्ठले यस्तो बताउनुभएको हो ।
अपांगता भएका व्यक्तिका लागि आफु संधै तत्पर रहने बताउँदै उहाँले विशेष आँखा देख्न नसक्ने, हिड्न नसक्ने जस्ता अपांगता भएका व्यक्तिहरुलाई उपचारका लागी चाहिने सहयोग र आवश्यक सामाग्रीहरु उपलब्ध गराउन आफ्नो तर्फबाट सक्दो पहल गर्ने बताउनुभयो । त्यसका लागि सर्बप्रथमअपांगता भएका व्यक्तिको तथ्यांक सबै समेटिएको विवरण उपलब्ध गराउन अपांग महासंघलाई मन्त्री श्रेष्ठले माग गर्नुभयो ।
जति छिटो मन्त्रालयमा अपांगता भएका व्यक्तिको विवरण उपलब्ध हुन्छ त्यति नै छिटो अपांगता भएका व्यक्तिको लागी बजेट बाँडफाँड गर्न सहज हुने मन्त्री श्रेष्ठले बताउनुभयो । स्वास्थ्य मन्त्रालयको पनि आफ्नै सिमितता हुने भएकाले आफ्नो प्रदेशमा मात्रै लागु गर्न सकिने भएकाले क,ख,ग वर्गका कार्ड देशैभरि एउटै प्रकृतिको भएकाले निति नियम केन्द्रिय सरकारले गर्ने भएकाले बागमती प्रदेश सरकारले छुट्टै नीति अवलम्वन गर्न नमिल्ने मन्त्री श्रेष्ठले जानकारी गराउनुभयो ।
अपाँगता भएका व्यक्तिका लागी गत वर्षबाट वजेट छुट्याईएको र हाल सम्म लगभग २ करोड खर्च भईसकेको मन्त्री श्रेष्ठले बताउनुभयो । स्वास्थ्य क्षेत्रबाट पाएको सुविधा आवश्यक पर्ने व्यक्तिले पाउनुपर्ने र यस्ता कार्यमा जिम्मेवार संघसंस्था पनि जवाफदेहि हुनुपर्ने मन्त्री श्रेष्ठले बताउनुभयो ।
पहिलो पटक मन्त्री बन्दा नै स्वंयमसेविकाहरुलाई निगरानी गर्न निर्देशन दिएको मन्त्री श्रेष्ठले बताउनुभयो । पछिल्लो समयमा बागमती प्रदेशमा ७ हजार घरपरिवारले स्वास्थ्य बिमाको सुविधा लिईरहेको मन्त्री श्रेष्ठले बताउनुभयो । छलफल कार्यक्रममा पिएसओ नेपालका डम्बर बोहरा, नेत्रहिन महासंघ मकवानपुरका अध्यक्ष केदार बहादुर बजगांई,राष्ट्रिय अपांग महिला सेवाका प्रमुख सुप्रभा अपाली लगायतकाे सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच