काठमाडौं । उद्योग, वाणिज्य तथा आपूर्तिमन्त्री दामोदर भण्डारीले ग्रामीण भेगमा रहेका साना उद्यमीलाई नेपाल लघु, घरेलु तथा साना उद्योग महासंघमा समेट्न आग्रह गर्नुभएको छ । उहाँको सम्मान गर्न महासंघद्वारा बुधबार आयोजित कार्यक्रममा मन्त्री भण्डारीले गाउँमा भएका साना उद्यमीलाई समेट्न सके उनीहरूले विभिन्न सीप र प्रविधि प्राप्त गरेर आफ्ना उत्पादन बजारसम्म पु¥याउन मद्दत पुग्ने बताउनुभयो ।
महासंघमा वास्तविक उद्यमीलाई मात्र समेट्न पनि उहाँले आग्रह गर्नुभयो । मन्त्री भण्डारीले बढीभन्दा बढी महिलालाई लघु, घरेलु तथा साना उद्यममा जोड्न सके त्यसले वास्तवमै राम्रो परिणाम दिने बताउनुभयो । महिलालाई उद्यमशीलतामा जोड्न सके त्यस्ता उद्यमले दिगोपना ल्याउने उहाँको भनाइ छ । सो अवसरमा महासंघले मन्त्री भण्डारीसमक्ष विभिन्न २४ बुँदे मागसमेत प्रस्तुत गरेको छ । महासंघले महिला उद्यमी, कृषि उद्योगलगायतका उद्यमीलाई दिइँदै आएको सहुलियतपूर्ण कर्जा र कोरोनापीडित उद्यमीलाई दिइँदै आएको पुनर्कर्जा कार्यक्रम यथावत् राख्न माग गरेको छ ।
त्यसैगरी आगामी बजेटमार्फत् सात सय ५३ वटै पालिकाले लघु, घरेलु तथा साना उद्योगको विकासका लागि प्रत्येक पालिकामा २० प्रतिशत बजेट विनियोजन गर्न, छरिएर रहेका लघु, घरेलु उद्योगले विशेष प्रकारका वस्तु तर अत्यन्तै सानो परिणाममा उत्पादन गर्ने हुँदा त्यस्ता उत्पादन एउटा साझा ब्राण्डमा उत्पादन गर्न, उत्पादन बजारमा पठाउने व्यवस्थाका लागि साझा सामूहिक चिहृनमार्फत् बजारीकरणलगायतका माग गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच