चितवन । चितवनको रत्ननगर नगरपालिकाका सुत्केरी र गर्भवती महिलालाई कुखुराको भालेसहित पौष्टिक आहार वितरण गरिएको छ ।
सो नगरपालिका अन्तर्गत वडा नं १५ का २० जना सुत्केरी र १० जना गर्भवती गरी ३० जनालाई चार किलोको कुखुराको भाले, दुई किलो ध्यू र एक क्रेट अण्डा वितरण गरिएको हो ।
वडा कार्यालयको विनियोजित बजेटबाट सुत्केरी तथा गर्भवती महिलाको सुरक्षाका लागि पौष्टिक आहार वितरण गरिएको वडाध्यक्ष आशिक तामाङले जानकारी दिनुभयो । डेढ महिना अघि २० जनालाई कुखुराको भाले सहित पौष्टिक आहार प्रदान गरेको सो वडाले सोमबार १० जनालाई वितरण गरेको हो ।
आधारभूत स्वास्थ्य केन्द्रमा आयोजित कार्यक्रममा नगरपालिकाका सामाजिक विकास समितिका संयोजक बालकृष्ण चापागाईँ र वडाध्यक्ष तामाङले सुत्केरी र गर्भवतीलाई पौष्टिक आहार हस्तान्तरण गर्नुभएको थियो । स्थानीय सरकारले पौष्टिक आहार दिने भएपछि विपन्न समुदायका सुत्केरी महिलाहरु काँखमा शिशु च्यापेर सामाग्री लिन आएका थिए ।
वडा कार्यालयले सुत्केरी र गर्भवतीलाई पौष्टिक आहारसंगै शारिरीक सरसफाईका सामग्री समेत प्रदान गरेको छ । उनीहरुलाई पौष्टिक आहारसंगै साबुन, मन्जन र ब्रस समेत प्रदान गरिएको हो ।
वडाध्यक्ष तामाङले सुरक्षित मातृत्व कार्यक्रम अन्तर्गत सुत्केरी आमा र शिशुको सुरक्षाको लागि पौष्टिक आहार वितरण गरेको बताउनुभयो । सुत्केरी र गर्भवती महिलालाई प्रदान गरेको उक्त सामाग्री स्थानीय किसानले उत्पादन गरेका हुन । वडाध्यक्ष तामाङले स्थानीय उत्पादनदलाई प्रोत्सहान गर्न नगरका किसानहरुले उत्पादन गरेको कुखुरा, अण्डा र ध्यू खरिद गरी वितरण गरेको बताउनुभयो ।
सुत्केरी र गर्भवतीको पोषण तथा स्वास्थ्य गर्ने जिम्मेबारी स्थानीय सरकारको हो वडाध्यक्ष तामाङले भन्नुभयो पूर्वाधार निर्माण मात्र विकास होइन, नागरिकको सुरक्षा पनि उत्तिकै महत्वपूर्ण पाटो हो । पौष्टिक आहार लिन आएकी सेवाग्राही अनिता न्यौपानेले वडाकार्यालयले प्रदान गरेको पौष्टिक आहार प्रयाप्त नभएपनि स्थानीय सरकारले प्रदान गरेको सामग्री पाउदा खुसी लागेको बताउनुभयो । सो वडाले सुत्केरी र गर्भवतीलाई पौष्टिक आहारसंगै भ्याक्सिन लगायत आधारभूत स्वास्थ्य केन्द्रबाटै भिडियो एक्सरे लगायतका सेवाहरु प्रदान गर्दै आएको छ ।
कार्यक्रममा वडा सदस्य शिव तिवारी, लिलादेवी पोखरेल, रुकमाया परियार, वडा सचिव सुर्य प्रसाद ढुङ्गाना, आधारभूत स्वास्थ्य सेवा केन्द्र रत्ननगर– १५ की इन्चार्ज रोजिना गिरीलगायतको उपस्थिति रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच