जिल्ला अधिवेशनसँगै पालिका र वडा अधिवेशनको तयारीमा भोजपुर एमाले

निरोज कोइराला भोजपुर, संवाददाता

२३ बैशाख २०८१, आइतबार १८:५८

Read Time = 3 mins

डिजिटल संस्करण

कोशी प्रदेश

प्रदेश समाचार

A A- A+

भोजपुर । नेकपा (एमाले) भोजपुरको नवौं जिल्ला अधिवेशनबाट अध्यक्षमा निर्वाचित हुनु भएका मक्कर खडकाले पार्टीका सवैलाई समेटने गरी जिम्मेवारी प्रदान गरिने बताउनु भएको छ । पार्टीमा आन्तरिक प्रतिस्पर्धा हुने भए पनि पार्टी संगठन एउटै भएकाले सवै पक्ष मिलेर अगाडी बढने अध्यक्ष खड्काको भनाई रहेको छ ।

निर्वाचित भएपछि आइतवार गरिएको पत्रकार सम्मेलनमा पत्रकारहरुले सोधेको प्रश्नको जवाफ दिनु हुँदै अध्यक्ष खडकाले पार्टीका सवै नेता कार्यकर्ताहरुबाट कुनै न कुनै योगदान भएकाले सवै तहको संगठन निर्माणमा योजनाका साथ कामको बाँडफाँड हुने बताउनुभयो । जिल्लाको अधिवेशन सकिएकाले आगामी जेठ महिना भित्रमा पालिका र ८१ वटै वडाहरुको अधिवेशन गर्ने गरी तयारीमा जुट्ने पनि अध्यक्ष खड्काले जानकारी दिनुभयो ।

अधिवेशनले खडकाको नेतृत्वमा ९० सदस्यीय जिल्ला कमिटी गठन गरेको छ । पदाधिकारी र खुल्ला सदस्य पाँच र महिला खुल्ला सदस्य तीन जना मतदान मार्फत चयन गरिएको हो । उपाध्यक्षमा किरण राई, सचिवमा एक्सन राई र उपसचिवमा दौलत कुलुङ र रमादेवी राई निर्वाचित हुनु भएको छ ।

पत्रकार सम्मेलनमा जानकारी दिईए अनुसार जिल्ला कमिटिमा भोजपुर नगरपालिकाबाट १० जना, षडानन्द नगरपालिकाबाट १३ जना, साल्पासिलोछो गाउँपालिकाबाट पाँच जना, अरुण गाउँपालिकाबाट पाँच जना र टेम्केमैयुङ गाउँपालिकाबाट पाँच जना चयन हुनु भएको छ । यसैगरी रामप्रसादराई गाउँपालिकाबाट छ जना, हतुवागढी गाउँपालिकाबाट आठ जना, पौवादुङमा गाउँपालिकाबाट पाँच जना र आम्चोक गाउँपालिकाबाट छ जना समावेशी सिद्धान्त अनुसार जिल्ला कमिटीमा निर्वाचित हुनु भएको छ । यसैगरी दलित समुदायबाट चार जना, युवाबाट दुई जना, आदिवासी जनजातिबाट दुई जना, अपांग अल्पसंख्यक र मजदुरबाट एक–एक जना निर्वाचित हुनु भएको छ ।

नयाँ नेतृत्व चयनका लागि छ सय आठ जना प्रतिनिधी छनौट गरिएकोमा पाँच सय ७३ मत खसेको थियो । निर्वाचन सफल बनाउन सहयोग गर्ने सवै पक्षलाई नयाँ कमिटिले धन्यवाद समेत ज्ञापन गरेको छ ।

सरोकार

यो खबर पढेर तपाईलाई कस्तो महसुस भयो ?