राजविराज । सप्तरीस्थित खाडो खोलामा बिहिवार दिउँसो एक यूवक मृत अवस्थामा फेला परेका छन् ।
राजविराज नगरपालिकाको वडा नम्बर १३ स्थित पिप्राही र भेल्हीबीचको खाँडो खोलामा युवक मृत भेटिएको प्रहरीले जनाएको छ ।
मृत यूवक राजविराज नगरपालिका वडा नम्बर १३ प्रिपाहीका अशोक यादवको छोरा बर्ष १९ को सुनिलकुमार यादव रहेको प्रहरीले जनाएको छ ।
यादव साइकलसहित घोप्टो परेको अवस्थामा खोला किनारमा मृत फेला परेको र नाकबाट रगत आएको देखिएको सप्तरीका प्रहरी प्रमुख प्रहरी उपरीक्षक गजुसिद्वी बज्राचार्यले जानकारी दिनुभएको छ।
शव परीक्षणका लागि राजविराज स्थित गजेन्द्रनारायण सिंह अस्पतालमा ल्याएको तथा पोष्टमार्टम रिपोर्ट नआएसम्म केही भन्न नकिने उहाँ बताउनु भएको छ । घटनाबारे थप अनुसन्धान भइरहेको प्रहरी प्रमुख बज्राचार्यको भनाइ छ ।
युवकलाई कसैले हत्या गरी खोलामा फ्यालेको स्थानीयले आशंका गरेका छन् । मृतक युवकको शरीरमा चक्कु प्रहार गरेको जस्तो घाउ रहेको स्थानीयले बताएका छन् ।
बुधबार राती खाना खाएर घरपरिवारसंगै सुतेका ऊनी बिहिवार बिहान ३ बजेतिर घरबाट निस्किएको परिवारीक श्रोतबाट जानकारी हुन आएको छ । विहान ३ बजेतिर नाति सुतेको ढोका खुल्ला रहेको पाइएपछि हेर्नजाँदा उनलाई नभेटिएको हजुरआमा अमोलिया देवी यादवले बताइन् ।
हजुरबुवा र हजुरआमासंगै बस्दै आएको सुनिल घरबाट एक्कसी बेपत्ता भएपछि खोजतलास गर्ने क्रममा बिहिवार दिउँसो खाडो खोलामा गाईभैसी गोठालो गएकाहरुले देखेपछी प्रहरीलाई खबर गरेका थिए ।
मृतकका बुवा अशोक वैदेशिक रोजगारीको लागि विदेशमा रहेको तथा आमा दुई छोरी र कान्छो छोरो राजविराजमा पढीरहेकोले उनीहरुसंगै कोठा भाडा लिएर बस्दै आएको स्थानीयले बताएको छ । सुनिल परिवारका जेठो छोरो हुन भने उनको दुई बहिनी र एक भाइ छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच