केरुङले गरे सगरमाथाको सफल आरोहण

हिमालय टाइम्स

६ जेठ २०८१, आइतबार १२:३६

Read Time = 1 min

डिजिटल संस्करण

विविध

A A- A+

पाँचथर । पाँचथरको फालेलुङ गाउँपालिका-३ का ३३ वर्षीय उदय केरुङले सगरमाथाको सफल आरोहण गरेका छन् । उनले आज बिहान ६ बजेर ८ सेकेन्ड जाँदा सगरमाथाको सफल आरोहण गरेका हुन् ।

उनी बिहीबार मध्यरात आधार शिविरबाट आरोहण दलका २२ जना सदस्यसँगै सगरमाथा चुचुरोतर्फ प्रस्थान गरेका थिए ।

यसअघि उनले ‘मेरा पिक’ र विश्वको आठौं अग्लो मनास्लु हिमालको सफल आरोहण गरिसकेका छन् । केरुङ यस पटक एट-के एक्सपिडिसन ट्रेकिङ कम्पनीमार्फत सगरमाथाको आरोहणमा गएका थिए ।

सगरमाथा आरोहण गर्ने केरुङ पाँचथरको फालेलुङ गाउँपालिकाको पहिलो र पाँचथर जिल्लाकै दोस्रो व्यक्ति हुन् । यसअघि पाँचथर मङजावुङका सुशील सेर्माले सगरमाथा आरोहण गरिसकेका छन् ।

सगरमाथा

यो खबर पढेर तपाईलाई कस्तो महसुस भयो ?