चितवन । वित्तीय संस्थाको ज्याजतीविरुद्ध निरन्तर आन्दोलनमा रहेको लघुवित्त तथा वित्तीय शोषण विरुद्धको संघर्ष समिति फुटको संघारमा पुगेको छ ।
केन्द्रीय समितिका अध्यक्ष मणिराम ज्ञवालीले एकलौटी र स्वेच्छाचारी ढंगले आन्दोलन तुहाउने खेलमा लागेको भन्दै केन्द्रीय सचिव रमेश तामाङको नेतृत्वमा छुट्टै समिति गठनको प्रक्रिया सुरु गरिएको छ ।
यसको लागि तामाङकै संयोजकत्वमा प्रथम राष्ट्रिय भेला आयोजक कमिटि गठन गरिएको छ । भेला आउने मंसिरको २ र ३ गते गैँडाकोटमा आयोजना गरिने चितवनको राप्तीमा आयोजित पत्रकार सम्मेलनमा जानकारी दिइयो ।
गत माघ १५ र १६ गते गैंडाकोटमै सम्पन्न प्रथम अधिवेशनले केन्द्रीय समिति विघटन गरी केन्द्रीय अध्यक्ष मणिराम ज्ञवालीलाई कार्यकारी अधिकार प्रदान गर्दै ३५ सदस्यीय सचिवालय गठन गरेको थियो । त्यतिबेला देखि नै १० वटा जिल्ला समितिले संघर्ष समितिलाई कमजोर बनाउने नियतले सम्मेलनमा एकतर्फी निर्णय गराउन खोजिएको भन्दै फेरि प्रथम राष्ट्रिय सम्मेलन गर्न माग गरेका थिए ।
असन्तुष्ट समुहले समितिको आर्थिक, संगठानिक तथा प्रगति प्रतिवेदन प्रस्तुत नगरिएको, निर्वाचन समितिले केन्द्रीय समिति गठन नगरी ३५ सदस्यीय सचिवालय गठन गरेको, अध्यक्ष ज्ञवालीले प्रस्तुत गरेको मागपत्रमा राजनीतिक झलक देखिएको, निर्वाचन समितिले उमेदवारी दिने वातावरण सृजना नगरेको, आन्दोलन परिचालन निर्देशिकामा माथि छलफल र बहस हुन नदिएको, अध्यक्षलाई कार्यकारी अधिकार प्रदान गरेको भन्दै विरोध जनाएको थियो ।
असन्तुष्ट समुहको नेतृत्व गरिरहेका केन्द्रीय सचिव तामाङ र चितवन जिल्ला अध्यक्ष सुधा पाठक लगायतलाई निष्काशन गरेपछि असन्तुष्ट समुहले प्रथम राष्ट्रिय सम्मेलन आव्हान गरेको हो । आफुलाई लघुवित्तको ऋणीनै नभएको, आर्थिक पारदर्शिता नराखेको र व्यक्तिगत आरोप लगाएर मणिराम समुहले निष्काशन गरेको भन्दै अध्यक्ष पाठकले आक्रोश व्यक्त गर्नुभयो ।
यस्तै संघर्ष समितिका लुम्बिनी प्रदेश संयोजक प्रदिप दलामीले संघर्ष समितिका नेतृत्वकर्ता मणिराम ज्ञावली नै सहकारी खोली महिला दिदीबहिनीहरुबाट रकम संकलन गरि आर्थिक अपचलनमा उद्दत देखिएपछि सो कुराको सोधखोज गर्नेहरुमाथि ज्ञावलीले कारबाही चलाएको आरोप लगाउनुभयो।
अनुसार ज्ञावलीले प्युठानमा गौमुखी सहकारी संस्था स्थापना गरि स्थानीय ३०(४० जना महिलाहरु बाट २ लाख भन्दा बढी रकम संकलन गरि अपचलन गरेका उहाँको आरोप छ । सो घटना बारे रमेश तामाङ र सुधा पाठकको टिमले सोहि स्थानमा गएर सत्यतथ्य पत्ता लगाएपछि आक्रोशित ज्ञावलीले विभिन्न आरोप लगाउँदै आफुहरुलाई निष्काशन गरेको चितवन जिल्ला अध्यक्ष पाठकले बताउनुभयो ।
पत्रकार सम्मेलनमा कर्णाली प्रदेश संयोजक खुमराज विक, सम्मेलन आयोजक समिति संयोजक रमेश तामाङ, बागमती प्रदेश संयोजक सुधा पाठक लगायतले आन्दोलनको औचित्य र भावी रणनीति बारे धारणा राख्नुभएको थियो ।
लघुवित्त संस्था खारेज हुनुपर्ने, गरिब किसानलाई निःशुल्क ऋण दिनुपर्ने, जनपक्षीय मौद्रिक नीति लागू गर्नुपर्ने, लघुवित्तीय संस्थाले लगाएको सामूहिक ऋण मिनाहा गर्नुपर्ने, कालोसूची तथा धितो लिलाम खारेज गर्नुपर्नेलगायत माग राखेर लघुवित्त संस्थाबाट पीडितहरु विगत दुई वर्षदेखि आन्दोलित छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच