झापा । झापा दमक नगरपालिका-४ को एक घरमा छापा मारेर प्रहरीले करिब साढे तीन लाख रुपैयाँ बरामद गरेको छ । प्रहरीले तीन लाख ३६ हजार चारसय रुपैयाँ बरामद गरेको हो ।
घरबाटै लागूऔषध कारोबार गर्ने गरेको आशंकामा प्रहरीले गायत्रा गौतमको घरमा छापा मारेको हो । लागूऔषध नियन्त्रण ब्युरो काँकडभिट्टा र इलाका प्रहरी कार्यालय दमकको टोलीले घर छापा मारेर ४८ वर्षीया गायत्रालाई पक्राउ गरेको छ ।
प्रहरीले गौतमको घरबाट ९ ग्राम ५३० मिलिग्राम ब्राउनसुगर जफत गरेको छ । गोप्य सूचना पाएपछि खटिएको प्रहरी टोलीले गायत्राको शरीर तथा घर खानतलासी गरेको थियोे । नगद गौतम सुत्ने वेडको सिरानी भित्र लुकाई राखेको अवस्थामा र ब्राउन सुगर कोठामा रहेको बट्टाभित्र फेला परेको दमक प्रहरीले जनाएको छ ।
गौतमलाई इलाका प्रहरी कार्यालय दमकमा राखेर थप अनुसन्धान थालिएको प्रहरीले छ । गौतम पक्राउपछि प्रहरीले थप कारोबारीको पहिचान हुने विश्वास लिएको छ । लामो समयदेखि झापामा दैनिकजसो लागूऔषध कारोबारी पक्राउ परिरहेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच