जनकपुर क्षेत्रको करिव नौ हजार विगाह जमिन अतिक्रमणबारे बिग अपरेशन गर्दैछौँ : उपप्रधानमन्त्री लामिछाने

हिमालय टाइम्स

३२ जेठ २०८१, शुक्रबार १८:२२

Read Time = 2 mins

समाचार

A A- A+

काठमाडौं । उपप्रधानमन्त्री तथा गृहमन्त्री रवि लामिछानेले वृहत्तर जनकपुर क्षेत्रको जग्गा अतिक्रमणको विषयमा अनुसन्धान शुरु गरिएको बताउनुभएको छ ।

शुक्रवार सिंहदरबारमा आफ्नो सय दिनको कामको जानकारी गराउन आयोजित पत्रकार सम्मेलनमा बोल्दै उहाँले सो कुरा बताउनुभएको हो । सो क्षेत्रको करिव नौ हजार विगाहा जमिन अतिक्रमण भएको विषयलाई लिएर गृह मन्त्रालयले विग अपरेशन गरिरहेको उपप्रधानमन्त्री लामिछानेको भनाई थियो । उहाँले सो विषयमा सञ्चार माध्यामलाई आफूले चाँडै विस्तृत जानकारी गराउने पनि बताउनु भयो । उपप्रधानमन्त्री लामिछानेले आफूले सय दिनमा गृह मन्त्रालयको घोषित उद्देश्य अनुसार काम हुनेगरी आधार तयार पारेको पनि बताउनु भयो ।

उहाँले भन्नुभयो, ‘वृहत्तर जनकपुर क्षेत्रको जग्गा अतिक्रमणको विषय आएको छ । तपाईहरुले चाँडै थाहा पाउनु हुन्छ । आज नै यसलाई सार्वजनिक गरिदिँदा पनि केही फरक पर्दैन । यो चाँही लगभग नौं हजार विगाहा जमिन अतिक्रमण भएको विषयलाई लिएर गृह मन्त्रालयले विग अपरेशन गर्दैछ । यो जानकारी पनि तपाईहरुलाई जानकारी गराउँछु । हामी काम गर्दैछौं, हुँदैछ । कुनै एउटा त्यस्तो केस छैन, जसलाई हामीले गर्नु नपरोस् । ’

उपप्रधानमन्त्री लामिछानेले सरकारले जुनसुकै केशलाई पनि अनुसन्धान गर्ने र त्यसलाई कारबाहीको दायरामा ल्याउने समेत दोहो¥याउनु भयो ।

यो खबर पढेर तपाईलाई कस्तो महसुस भयो ?