चितवनमा हतियार देखाएर सुनचाँदी पसल लुटपाट, चार जना नियन्त्रणमा

होमनाथ सापकोटा चितवन, संवाददाता

Sunday June 16, 2024

Read Time = 1 min

सिफारिस

अस्थिर राजनीतिको मियो प्रदेशहरू

डिजिटल संस्करण

प्रदेश समाचार

बागमती प्रदेश

A A- A+

चितवन । चितवनको कालिका नगरपालिकामा हतियार देखाएर सुनचाँदी पसलमा लुटपाट भएको छ ।

कालिका-६ खोलेसिमल बजारमा रहेको विनोद सुनचाँदी पसलमा शनिबार राती ८:४० बजे हतियार सहित आएको समूहले हतियार देखाएर लुटपाट गरेको प्रहरीले जनाएको छ ।

सुनचाँदी पसलबाट ३ किलो सुन सहित ३५ किलो चाँदी र नगद दुई लाख रूपैया चोरी भएको चितवन प्रहरीले जनाएको छ । चोरी भएको भनिएको ७७६.८१ ग्राम सुन सोहि पसलमा फेला परेको छ ।

पसलको सटर लगाउने क्रममा मौका छोपेर कामदारहरुलाई भित्रै थुनी हतियार देखाएर सो समूहले सुनका गरगहना लुटपाट गरेको प्रहरी स्रोतले बताएको छ ।

लुटेरा समूहले सुन पसलमा जडान गरिएको सिसिटिभिको डिस नै खोलेर लगेको प्रहरीले जनाएको छ । घटनामा संलग्न रहेको आशंकामा चितवन प्रहरीले चार जनालाई नियन्त्रणमा लिएको छ । घटनाको अनुसन्धान भइरहेको प्रहरीले जनाएको छ ।