काठमाडौं । मुलुकको ऊर्जा नीति र प्रणाली र जलवायु परिवर्तनको असर कम गर्न नवीकरणीय ऊर्जा प्रविधि प्रवर्द्धन गर्न र पुनरुत्थान गर्न सरकार र विभिन्न निकाय कटिबद्ध रहेको विद्यमान अवस्थामा निजी क्षेत्रका उद्यमीले आफ्नो योग्यता र अनुभवलाई सदुपयोग गर्नुपर्नेमा विज्ञहरूले जोड दिएका छन् । जसबाट नवीकरणीय ऊर्जा प्रविधिको प्रवर्द्धन हुनुका साथै स्थानीय तहमा ऊर्जा उत्पादन व्यवस्थित हुने, स्थानीय प्राकृतिक स्रोत परिचालित हुने र रोजगारीको अवसर वृद्धि हुने उनीहरूको भनाइ छ ।
सम्बद्ध विज्ञहरूले तथा व्यवसायीले परिवर्तित सन्दर्भमा कम्पनी/फर्म परिचालित रहेको अवस्थामा पनि एकीकृत प्रयासबाट उच्चस्तरको सेवा तथा सामग्री आपूर्ति हुने, परिस्कृत प्रविधि उपयोग हुने, ऊर्जा उत्पादनको गुणस्तर तथा परिमाणमा सुधार हुने, सामूहिक कार्यशैली विकास हुने भएकाले नवीकरणीय ऊर्जा प्रवद्र्धन कम्पनी स्थापनाको तयारी गरेका छन् । सो सम्बन्धमा नेपाल लघु जलविद्युत् विकास संस्थाको अग्रसरतामा आवश्यक छलफल, विचार विमर्श र सम्भावित कार्यनीतिका लागि प्रारम्भिक छलफल भएको छ । संस्थाका पूर्वअध्यक्ष तथा नवीकरणीय ऊर्जा प्रविधिविद् एवं उद्यमी सुरेन्द्रभक्त माथेमा, संस्थाका पूर्वअध्यक्ष तथा प्रविधिविद् कृष्णप्रसाद देवकोटा, संस्थाका अध्यक्ष तेजनारायण ठाकुर, नेपाल नवीकरणीय ऊर्जा परिसंघका अध्यक्ष गुणराज ढकाल, नेपाल सौर्य विद्युत् उत्पादक संंघका पूर्वअध्यक्ष तथा उद्यमी प्रकाशविक्रम बस्नेतका साथै नवीकरणीय ऊर्जा प्रवद्र्धन र विकासका क्षेत्रविज्ञहरूको उपस्थितिमा नवीकरणीय ऊर्जा प्रवद्र्धन कम्पनी स्थापनाका लागि सर्वसम्मतिबाट आवश्यक तयारीका लागि उपयुक्त, अनुभवी र क्षमताशीलहरूलाई जिम्मेवारी दिने र सो क्षेत्रका समस्त विज्ञका व्यवसायीलाई कम्पनीमा आबद्ध हुन र सामूहिक प्रयासमार्फत् क्लाइमेट एक्सन र आरई इन्नोभेसनको प्रवद्र्धन र विकासमा एकजुट हुने निर्णय भएको परिसंघका अध्यक्ष ढकालले जानकारी दिनुभएको छ ।
ढकालका अनुसार नवीकरणीय ऊर्जा प्रवर्द्धन कम्पनी स्थापनाको परिकल्पना विश्वव्यापीरूपमा जलवायु परिवर्तनको असर रोक्न र कम गर्न नवीकरणीय ऊर्जा प्रविधिको अधिकतम् प्रवर्द्धन आवश्यक रहेको भाष्य स्थापित हुँदै गएको छ । नेपालले पनि राज्यस्तरमा विभिन्न अन्तर्राष्ट्रिय मञ्चमा प्रतिबद्धता जनाउँदै आएको छ । सन् २०४५ सम्ममा कार्बन उत्सर्जन शून्यमा पुर्याउनुका साथै सन् २०३० सम्ममा नवीकरणीय ऊर्जा प्रविधिबाट उत्पादन गरिने ऊर्जा तीन गुणा र ऊर्जा सक्षमता दुर्ई गुणा पुर्याउने अन्तर्राष्ट्रिय प्रतिबद्धता अनुशरण गर्ने नीति नेपालले लिएको छ । नेपालले नवीकरणीय ऊर्जा प्रविधिमा लघु जलविद्युत्, सोलार पिभी, सोलार थर्मल, बायोग्याँस र बायोमास मुख्यरूपमा लिँदै आएको छ । हाल नवीकरणीय ऊर्जा क्षेत्रका कम्पनी/फर्म संख्या छ सयभन्दा बढी रहे पनि केहीमात्रै सक्रिय अवस्थामा छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच