सर्लाही । सर्लाहीको बरहथवामा एक महिलाको हत्या भएको छ । बरहथवा नगरपालिका-१२, लौकठ बस्ने ३५ वर्षीया लिलावती देवी महतोको हत्या भएको हो । महतोको शव हिजो बिहान घरदेखि करिव डेढ किलोमिटर टाढा कमल रायको खेतमा फेला परेको इलाका प्रहरी कार्यालय बरहथवाले जनाएको छ ।
मृतक महिलाको अनुहार र घाँटीमा चोट देखिएको छ । प्रहरीले घटना लगत्तै मृतक महिलाका श्रीमान ३८ वर्षीय शंकर महतो र सौता (श्रीमानको कान्छी श्रीमती) २१ वर्षीया सजनदेवी महतोलाई नियन्त्रणमा लिएको छ । उनीहरुलाई हिरासतमा राखी थप अनुसन्धान भइरहेको छ ।
घटनाबारे जानकारी पाए लगत्तै इलाका प्रहरी कार्यालय बरहथवाबाट प्रहरी नायब उपरीक्षक (डिएसपी) गौतम थापाको कमाण्डमा प्रहरी टोली घटनास्थलमा पुगेर अनुसन्धान सुरु गरेको हो । घटनास्थलको प्रकृतिमुचुल्का गरी मृतकको शव पोष्टमार्टमका लागि हिजो दिउँसो अबेर प्रादेशिक अस्पताल मलंगवा पठाइएको छ ।
प्रहरीकाअनुसार घटना भएको परिवारमा बारम्बार झगडा परेर पन्चायती बसेको थियो । सर्लाही प्रहरीका प्रमुख (एसपी) रवीन्द्रबहादुर सिंहले उक्त परिवारमा हिजो बेलुका पनि झगडा भएको पाइएको बताउनुभयो । “घटना भएको परिवारमा बारम्बार झै-झगडा भएको देखिन्छ, हिजो बेलुका मात्रै पनि झगडा भएर मृतक महिलाले खाना नखाएको पाइयो,” एसपी सिंहले भन्नुभयो, “घटनाबारे हामी अनुसन्धानमै छौँ, हाम्रो नियन्त्रणमा रहेका मृतकको श्रीमान र सौतासँग सोधपुछ हुँदैछ ।"
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच