काठमाडौं । विश्व बैंकको माल्दिभ्स, नेपाल र श्रीलंकाका लागि नयाँ कन्ट्री डाइरेक्टर डेभिड सिस्लेन नियुक्त हुनुभएको छ । उहाँको नयाँ कार्यकाल जुलाई १, २०२४ देखि लागू हुने नेपालस्थित विश्व बैंकको कार्यालयले जानकारी दिएको छ । सिस्लेनले फारिस हदाद जेर्भोसको स्थान लिनुहुनेछ ।
अमेरिका र इटालीका दोहोरो नागरिक रहनुभएका उहाँ सन् २००१ मा अर्बन क्लस्टर युनिटमा अर्थशास्त्रीका रूपमा विश्व बैंकमा सामेल हुनुभएको थियो । त्यसपछि विभिन्न क्षेत्रमा विभिन्न परिचालन र व्यवस्थापकीय पदहरूमा रहनुभएको छ । उहाँको पछिल्लो असाइनमेन्ट वासिंगटन डिसीमा आधारित ल्याटिन अमेरिका र क्यारिबियन क्षेत्रमा शहरी, विपद् जोखिम व्यवस्थापन र भूमिका लागि अभ्यास प्रबन्धकका रूपमा हो । सिस्लेनले भन्नुभएको छ, ‘म मेरो नयाँ भूमिका र हाम्रा सबै सरोकारवाला र साझेदारसँग चाँडै भेट्ने प्रतिक्षामा छु ।
मेरो मुख्य प्राथमिकता सरकार, विकास साझेदार र विविध सरोकारवालासँग नजिक रहेर काम गर्दै गति, मापन र प्रभावमा बैंकको फोकसका आधारमा परिचालन संलग्नतालाई आकार दिन र कार्यान्वयन गर्न रणनीतिक संवादको नेतृत्व गर्नु हुनेछ ।’ उहाँले माल्दिभ्स, नेपाल र श्रीलंकामा करिब ४.८ बिलियन डलरको विश्व बैंकको पोर्टफोलियोको निरीक्षण गर्नुहुने विश्व बैंकद्वारा जारी प्रेस विज्ञप्तिमा उल्लेख छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच