काठमाडौं । कोनेले (लिफ्ट र एस्केलेटर) २५औँ वार्षिकोत्सव मनाएको छ । शर्मा एण्ड कम्पनी प्रालिका अध्यक्ष तथा प्रबन्ध निर्देशक रमेश शर्माको उपस्थितिमा भएको कार्यक्रममा नेपालका लागि आधिकारिक बिक्रेता एमएडब्लु इञ्जिनियरिङ प्रालिका अध्यक्ष विष्णुकुमार अग्रवालले भन्नुभयो, ‘कोने नेपालको निर्माण क्षेत्रमा अग्रणी ब्राण्डमध्येको एक हो । हामीले कोनेका उत्पादन नेपालभरि डेलिभर गर्न सक्षम भएको २५ वर्ष भइसक्यो । हामी कोने भारतको नेतृत्व टिम र नेपालका धेरै वरिष्ठ आर्किटेक्ट, परामर्शदाता र ग्राहकको उपस्थितिमा यो सफलताको उत्सव मनाउन चाहन्छौँ । म विश्वस्त छु कि नेपालले हामी र हाम्रा उत्पादनलाई अँगालेको छ किनभने नेपाल यो संसारको राम्रो कुरा अँगाल्न सधैं तयार छ ।’ कोने इलेभेटर इण्डियाका प्रबन्ध निर्देशक अमित गोसाईंले भन्नुभयो, ‘हाम्रो बजार उपस्थितिको एकदम छोटो अवधिमा हामीले नेपाल, भारत र अन्य अन्तर्राष्ट्रिय बजारमा हाम्रा ग्राहकको आवश्यकता र अपेक्षा पूरा गर्न सक्षम भएका छौँ । यो सबै सम्भव भएको छ किनभने हामी उत्कृष्ट उत्पादन प्रदान गर्नमा विश्वास गर्छौं । कार्यक्षमता, डिजाइन वा नवीनतासँगै २५ वर्षभन्दा बढीको यो लामो सफल यात्रामा नेपाल सम्भावनाले भरिपूर्ण छ ।’
एमएडब्लु इञ्जिनियरिङ प्रालिका कार्यकारी निर्देशक विशाल गाडियाले भन्नुभयो, ‘कोने लिफ्ट र एस्केलेटरहरू नेपालभर अस्पताल, होटल, व्यावसायिक भवन, मल, विमानस्थल, पूर्वाधार भवन, आवासीय अपार्टमेन्ट, शैक्षिक संस्था, कारखाना आदिमा स्थापित भई फैलिएका छन् । विश्वको सबैभन्दा ठूलो यात्रु लिफ्ट कोनेद्वारा नै बनेको छ ।
यसको मेसिन बलियो, टिकाउ र ऊर्जा बचत गर्ने किसिमको छ । ब्राण्डको मुख्य उद्देश्य भनेको यसलाई आफ्ना यात्रुका लागि सुरक्षित र निर्वाध सवारी बनाउनु हो ।’ कोने फिनल्याण्डको हेलसिंकीमा सन् १९१० मा स्थापना भएको फिनिस ब्राण्डको लिफ्ट र एस्केलेटर ब्राण्ड हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच