काठमाडौं । युरोकप फुटबल २०२४मा बेल्जियमले पहिलो जित निकालेको छ । आज बिहान सम्पन्न समूह ‘ई’ को खेलमा रोमानियालाई २–० गोलले हराउँदै बेल्जियम विजयी भएको हो ।
बेल्जियमको जितमा युरी टिलेमन्स र केभिन डी ब्रुएनाले एक–एक गोल गरेका थिए । खेलको दोस्रो मिनेटमा टिलेमन्सले बेल्जियमलाई सुरुवाती अग्रता दिलाएका थिए ।
यस्तै ६३औँ मिनेटमा रोमेलु लुकाकुले गोल गरे पनि भीएआरले त्यसलाई मान्यता दिएन । त्यसपछि ८०औँ मिनेटमा ब्रुएनाले गोल गर्दै बेल्जियमलाई २–० गोलको जित दिलाए ।
यो जितसँगै बेल्जियम ३ अंकका साथ समूहको दोस्रो स्थानमा छ । पराजित भएको रोमानिया तीन अंकसहित शीर्षस्थानमा छ । यसअघिको खेलमा बेल्जियम स्लोभाकियायासँग पराजित भएको थियो भने रोमानियाले युक्रेनलाई हराएको थियो ।
समूह ‘ई’ मा रहेका स्लोभाकिया र युक्रेन पनि ३–३ अंकसहित क्रमशः तेस्रो र चौथो स्थानमा छन् । यो समूहबाट चारवटै टोली अन्तिम १६ मा पुग्ने प्रतिस्पर्धामा छन्।
यो पनि पढ्नुहोस्
पोर्चुगल युरोकपको अन्तिम १६ मा
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच