काठमाडौं । आगामी साउन ११ गतेदेखि देशभरका सिनेमाघरमा आउने तयारीमा रहेको चलचित्र ‘ईश्वर’को गीत ‘आहा भो’ सार्वजनिक भएको छ । प्रेमिल भावको गीतमा कृष्ण काफ्ले र गीता पाण्डेको युगल गायन छ भने भीष्मराज फूलराको शब्द रचना तथा अर्जुन पोखरेलको संगीत छ । गीतको भिडियोमा चलचित्र मुख्य अभिनेता पृथ्वीराज प्रसाईं र अभिनेत्री अनु शाहबीचको प्रेमलाई दर्शाइएको छ ।
राजु गिरीको निर्देशनमा तयार भएको चलचित्रमा पृथ्वी र अनुसहित सुनिल थापा, शिशिर वांगदेल, माओत्से गुरुङ, ध्रुव थापा, रविन्द्र झा, बुद्धि तामाङ, कृष्टि गुरुङ, सविन बास्तोलालगायतको अभिनय छ । दिव्या कंगना फिल्मसको ब्यानरमा निर्माण भएको चलचित्रका निर्माता हरिबहादुर थापा हुनुहुन्छ । लक्ष्मी कुँवर थापाको प्रस्तुतिमा बनेको चलचित्रले अन्तरजातीय प्रेममा आउने अवरोधको कथा व्यक्त गर्ने निर्देशक गिरीले जानकारी गराउनुभयो ।
निर्देशक गिरीकै कथा र भोजराज देवकोटाको पटकथा तथा संवाद लेखन रहेको चलचित्रमा रामेश्वर हुँमागाईंको छायांकन, देव महर्जनको द्वन्द्व निर्देशन, कविराज गहतराज, देवेन्द्र पाण्डे र सुरेश पाण्डेको कोरियोग्राफी तथा अर्जुन पोखरेल, राजेन्द्र बजगाई र बीपी वाग्लेको संगीत छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच