रोल्पा । रोल्पाको होलेरी स्थित होलेरी कृषि हाट बजार संकलन केन्द्रले दुई सातामा करिब एक करोड रुपैयाको तरकारी निर्यात गरेको बताएको छ।
जेठ ३० गते देखी संचालन भएको हाट बजार सातामा दुई पटक लाग्ने गरेको र हाट बजारमा कृषकहरुले उत्पादन गरेका कृषि उपजका बस्तुहरु बिक्री वितरण गर्दै आएका छन् । भने तरकारी खरिदका लागी स्थानीय तथा बाह्य थोक ब्यापारीहरु बजारमा आउने गरेको बजार संचालक समितिका अध्यक्ष चन्द्र प्रकाश महराले बताए ।
तरकारी उत्पादनजो लागि पकेट क्षेत्रको रूपमा रहेको यस क्षेत्रका किसानहरु लामो समयदेखि बिचौलियाहरुबाट ठगिदै आएका थिए । उचित बजार भाउ समेत नपाएको भनी आम किसानहरुको गुनासो आएपछि आफुले .प्रयास गरेर विभिन्न सहयोगी निकायहरुसंग समन्वय र सहकार्य गरि गत बर्ष देखि स्थानीय पालिकामा कृषि हाट बजार संकलन केन्द्र स्थापना गरि बजार संचालक समिति गठन गरिदिएसंगै नियमित रूपमा बजार संचालन हुँदै आएको स्थानीय पालिका अध्यक्ष जनक पुनले बताए ।
अध्यक्ष पुनका अनुसार स्थानीय स्तरमा कृषि हाट बजार संचालन भए संगै आम किसानहरुका उत्पादित टमाटर , काउली , बन्दा, आलु , सिमि लगायतका तरकारी जन्य बस्तुहरुले उचित बजार भाउ पाएको हुदा किसानहरुलाई ठुलो राहत भएको र बिचौलियाहरु बाट ठगिने समस्या बाट समेत छुटकरा पाएको बताए ।
अध्यक्ष पुनका अनुसार पालिकालाई तरकारी पकेट क्षेत्रको रूपमा बिस्तार गर्न र तरकारी हब क्षेत्रको रूपमा बिकास गर्नका लागि पालिका भित्रका व्यावसायिक किसानहरु लाई बीउ, मल र कृषि सामाग्रीहरुमा अनुदानको ब्यबस्था समेत गरेको बताए ।
हप्तामा दुई पटक कृषि हाट बजार लाग्ने गरेको र एक बारमा करिब करिब १३ टन तरकारी जिल्ला बाहिर दाङ , भैरहवा , बुटवल , नेपालगन्ज, धनगढी लगायतका बजारहरुमा निर्यात हुने गरेको हाट बजार संचालक समितिले बताएकाे छ ।
गत बर्ष करिब ५ महिना संचालन भएको कृषि हाट बजारमा करिब १४ करोड रुपैयाको तरकारी निर्यात भएको हाट बजार संचालक समितिले बताएको छ। गत वर्ष स्थानीय रुन्टिगढि गाउँपालिकाको पहल र आर्थिक सहयोग तथा केही गैर सरकारी संघ संस्था र परियोजनाहरुको आर्थिक सहयोग गरि करिब ३५ लाख रुपैयाको लागतमा कृषि हाट बजार संकलन केन्द्र निर्माण भएको स्थानीय पालिकाले बताएको छ।
-एलबी मगर
यो पनि पढ्नुहोस्
ओलीको सत्तारोहणमा कानुनी प्रश्न
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच