काठमाडौं । प्रधानमन्त्री पुष्पकमल दाहाल 'प्रचण्ड'ले असार २८ गते विश्वासको मत लिनुहुने भएकाे छ ।
समर्थन फिर्ता लिएर नेकपा एमाले सरकारबाट बाहिरिएपछि प्रचण्डले पाँचौंपटक विश्वासको मत लिन लाग्नुभएकाे हाे ।
पाँचाै पटक विश्वासकाे मत लिन लाग्नु भएकाे उहाँले संघीय संसदका महासचिवलाई पत्र लेखेर २८ गतेको संसद बैठकमा विश्वासको मत लिने कार्यसूची राख्न आग्रह गर्नुभएकाे छ ।
कांग्रेस र एमालेबीच एमाले अध्यक्ष केपी शर्मा ओलीको नेतृत्वमा सरकार गठन गर्ने सहमति भएपछि एमालेले असार १९ गते समर्थन फिर्ताको निर्णय गरेको थियो ।
संसदको दुई ठूला दल नेपाली कांग्रेस र एमालेबीच केपी शर्मा ओलीको नेतृत्वमा नयाँ सरकार गठन गर्ने सहमति भइसकेको छ । त्यो सहमतिअनुसार एमालेले बुधबार मन्त्रीहरुलाई फिर्ता बोलाएर समर्थन फिर्ता लिएको थियो ।
संविधानतः सरकारमा सहभागी दलले समर्थन फिर्ता लिएको ३० दिनभित्र प्रधानमन्त्रीले विश्वासको मत लिनुपर्छ ।
एमालेले समर्थन फिर्ता लिएको अवस्थामा प्रधानमन्त्री प्रचण्ड अल्पमतमा हुनुहुन्छ । कांग्रेस एमालेको समीकरण बनेको अवस्थामा प्रधानमन्त्रीले विश्वासको मत पाउने सम्भावना छैन ।
२७५ सदस्यीय प्रतिनिधिसभामा बहुमतका लागि १३८ मत चाहिन्छ , जबकी अहिलेसम्म प्रचण्डसँग माओवादी (३२), रास्वपा (२१), एकीकृत समाजवादी (१०) र अशोक राई नेतृत्वको जसपा (७) को गरेर ७९ मत मात्र छ ।
राजनीतिमा नाटकीय फेरबदल नआए विपक्षमा नयाँ सरकार गठन गर्ने सहमति गरेका कांग्रेस (८८) र एमाले (७९) गरी १६७ मत देखिन्छ । यस्तै सरकारमै रहेको अशोक राई नेतृत्वको जसपा र अर्को दल उपेन्द्र यादवको जसपा नेपालले नयाँ समीकरणलाई सघाउने देखिन्छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच