काठमाडौं । अघिल्लो दिनमा सामान्य अंकले घटेको सेयर बजार मंगलबार भने १५.७९ अंकले बढेर २१५२.१४ अंकमा पुगेको छ । नेप्सेसँगै कारोबार रकम पनि ९६ करोड ६१ लाख रुपैयाँले बढेर पाँच अर्ब ५३ करोड ५८ लाख आठ सय ८५ रुपैयाँ पुगेको छ । यस दिन तीन सय १६ कम्पनीका एक करोड १६ लाख ६१ हजार दुई सय आठ कित्ता सेयर खरिदबिक्री भएका थिए । अघिल्लो कारोबार दिन सोमबार चार अर्ब ५६ करोड ९८ लाखको सेयर खरिदबिक्री भएको थियो ।
मंगलबार कारोबारमा आएका १३ समूहगत सूचकमध्ये आठवटाको बढेको छ भने चारवटाको घटेको छ । लघुवित्त सर्वाधिक ३.०६, विकास बैंक साढे दुई प्रतिशतले बढेको छ भने फाइनान्स, होटल तथा पर्यटन, उत्पादन तथा प्रशोधन र व्यापार समूहगत सूचक घटेको छ । म्युचुअल फण्ड स्थिर रहेको छ । कारोबार रकमका आधारमा शीर्ष स्थानमा रहेको एनआरएन इन्फ्रास्ट्रक्चर एण्ड डेभलपमेन्ट लिमिटेडको १९ करोड ७७ लाख ७५ हजार रुपैयाँ बराबरको सेयर खरिदबिक्री भएको छ भने नेपाल फाइनान्सको १६ करोड २१ लाख, जानकी फाइनान्सको १३ करोड ५६ लाख, ङादी ग्रुुप पावरको १३ करोड १६ लाख र ग्लोबल आइएमई लघुवित्तको १२ करोड ३६ लाख सेयर खरिदबिक्री भएको छ ।
दुर्ई कम्पनीको सेयर मूल्य १० प्रतिशतले बढेर सकारात्मक सर्किट लागेको छ । गणपति लघुवित्त वित्तीय संस्था र आत्मनिर्भर लघुवित्त वित्तीय संस्थाको कारोबारमा सकारात्मक सर्किट लागेको हो । त्यस्तै बुद्धभूमि नेपाल हाइड्रोपावरको सेयर मूल्य ९.९१, युनिक नेपाल लघुवित्त ९.७९ र सबैको लघुवित्तको ९.१५ प्रतिशतले बढेको छ । सिद्धार्थ इन्भेष्टमेन्ट ग्रोथ स्किम-२ को सेयर मूल्य सर्वाधिक ५.४७ प्रतिशतले घटेर ८.२९ रुपैयाँमा झरेको छ भने नेपाल फाइनान्सको चार, बोटलर्स नेपाल बालाजु ३.९०, नबिल ब्यालेन्स्ड फण्ड-२ को ३.३७ र जानकी फाइनान्सको सेयर मूल्य ३.१६ प्रतिशतले घटेको नेपाल स्टक एक्सचेन्ज(नेप्से)ले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच