म्याग्दी । म्याग्दीका पाँचवटा स्थानीय तहहरुमा खानेपानीको नमुना संकलन गरि गरिएको परीक्षणबाट ४७ प्रतिशत पानीका मुहानहरुबाट प्रयोग गरिदै आएको खानेपानीमा ‘इ कोली’ (दिशामा हुने जिवाणु) र कोलिफर्म रहेको पाइएको छ ।
स्वास्थ्य कार्यालय म्याग्दीले जिल्लाका पाँचवटा स्थानीय तहमा पुगेर नमुनाका रूपमा संकलन गरेको पानी परीक्षण गर्दा इ कोली र कोलीफर्म रहेको पाइएकोले पिउन अयोग्य ठहर गरेको हो ।
स्वास्थ्य कार्यालयले जिल्लाका ५८ स्थानमा संकलन गरेको नमुनामध्ये १४ प्रतिशतमा इ कोली र ३३ प्रतिशतमा कोलिफर्मलगाएतका जिवाणु भेटिएको जनस्वास्थ्य निरिक्षक भिमप्रसाद आचार्यले बताउनुभयो ।
“स्वास्थ्यचौकीमै प्रयोग हुने पिउने पानीमा जीवाणु भेटिएको छ, सम्बन्धित स्थानीय तहलाई नमुना परीक्षणसहित जानकारी गराइसकिएको छ” जनस्वास्थ्य निरिक्षक आचार्यले भन्नुभयो ।
जिल्लाको बिम, रूम, मुदी र गलेश्वरको प्राथमिक स्वास्थ्य केन्दले प्रयोग गर्ने खानेपानीमा नै ‘इ.कोली’को मात्रा धेरै भेटिएको छ । गलेश्वरको प्राथमिक स्वास्थ्य केन्द्रको खानेपानी बृद्धआश्रममा बस्ने बृद्धबृद्धाले समेत प्रयोग गर्ने गरेका छन् ।
सदरमुकाम बेनीदेखि ग्रामिण क्षेत्रसम्म संकलित नमूना बेनी अस्पतालको प्रयोगशालामा परीक्षण गरिएको थियो ।
स्वास्थ्य कार्यालयका प्रमुख भुवन ठकुराठीले १४ प्रतिशतमा ‘इ.कोली’ ३३ प्रतिशतमा अन्य जीवाणु भेटिएको छ भने ५३ प्रतिशत खानेपानी पिउन योग्य रहेको बताउनुभयो । बेनी नगरपालिकामा १६ वटा नमूनामध्ये ९ वटामा इ.कोली भेटिएको छ । मालिका गाउँपालिकामा ८ वटामध्ये ७ वटामा इकोली, धवलागिरी गाउँपालिकामा ३ वटै नमुनामा इ.कोली र अन्नपूर्णमा १८ नमुनामा ३ वटामा इ.कोली जीवाणु भेटिएको छ ।
जीवाणु भेटिएको खानेपानीको मुहानबाट विद्यालय, समुदायस्तरमा समेत पानी वितरण भइरहेको अवस्थामा बृद्धबृद्धा र बालबालिका झनै प्रभावित रहेको छ ।
स्वास्थ्यचौकी बाहेक समुदायले प्रयोग गर्ने खानेपानीको मुहान, धारामा समेत जीवाणु भेटिएको जनस्वास्थ्य निरिक्षक आचार्यले जानकारी दिनुभयो ।
“यो नतिजाले नागरिकले दूषित पानी पिउने गरेको र यसले नागरिकको स्वास्थ्यमा असर गरिरहेको देखाउँछ” जनस्वास्थ्य निरिक्षक आचार्यले भन्नुभयो । झाडापखाला, हैजा, भाइरल ज्वरो र रुघाखोकीलगायत महामारीजन्य रोगको सङ्क्रमणबाट जोगिनका लागि पानीलाई शुद्धीकरण गर्नुपर्ने उहाँको भनाइ छ ।
खानेपानी गुणस्तरसम्बन्धी सरोकारवाला निकाय र स्थानीय तहमार्फत सुधार सहितका अभियान सञ्चालनका लागि समेत सुझाव दिइएको उहाँले बताउनुभयो । ‘इ.कोलीको कारण झाडापखाला, हैजा, भाइरल ज्वरो र रुघाखोकीलगायत महामारीजन्य रोगको सङ्क्रमण हुने स्वास्थ्य कार्यालयले जनाएको छ । रासस
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच