पेरिस ओलम्पिक : प्रिन्स र स्यान्टु पहिलो चरणमै पराजित

हिमालय टाइम्स

१३ श्रावण २०८१, आइतबार ०८:४२

Read Time = 2 mins

सिफारिस

शासक बिनाको देश

डिजिटल संस्करण

खेलकुद

A A- A+

काठमाडौं । पेरिस ओलम्पिक २०२४ मा नेपाली ब्याडमिन्टन स्टार प्रिन्स दाहाल समूहको पहिलो खेलमा पराजित हुनुभएको छ ।

शनिबार राति सम्पन्न पहिलो खेलमा प्रिन्स डिफेन्डिङ च्याम्पियन भिक्टर एक्सल्सनसँग लगातार दुई सेटमा पराजित हुनुभएको हो । भिक्टरले पहिलो सेट २१–८ र दोस्रो सेट २१–६ ले जित्नुभएको थियो ।

समूह ‘पी’ मा रहेका प्रिन्सको यो हारसँगै अन्तिम १६ मा पुग्ने सम्भावना कमजोर भएको छ ।उहाँले दोस्रो खेल आयरल्यान्डका नियात न्युयेनसँग २९ जुलाईमा खेल्नु हुने छ ।

यस्तै, समूहचरणको अन्तिम खेल इजरायलका मिसा जिल्बरम्यानसँग ३० जुलाईमा खेल्नुहुने छ । १६ वटा समूहका शीर्ष खेलाडीले अन्तिम १६ मा प्रवेश पाउनुहुने छ ।

यसअघि शनिबार साँझ भएको टेबल टेनिसमा नेपाली स्टार स्यान्टु श्रेष्ठ सोझो सेटमै पराजित हुनुभएको थियो । उहाँ सेनेगलका इब्राहिम डिएवसँग पराजित हुनुभएको हो। उहाँ १०–१२, ३–११, ४–११ र ५–११ ले पराजित हुनुभयो ।