चितवन । चितवनको रत्ननगर वडा नं-१६, पिठुवा चोकस्थित एक किराना पसलमा आगलागी हुँदा करिब १५ लाखबराबरको धनमाल क्षति भएको छ । स्थानीय शोभा श्रेष्ठको आफ्नै घरमा आफैँले सञ्चालन गरेको किराना पसलमा बिजुलीको तार सर्ट भई बधबार एकाबिहान अचानक आगलागी भएको थियो ।
आगलागीको खबर प्राप्त हुना साथ प्रहरी पोस्टको टोली, इलाका प्रहरी कार्यालयको टोली, खैरहनी नगरपालिकाको दमकल र स्थानीयको सहयोगमा बिहान ५ः३० बजे आगो पूर्णरूपमा नियन्त्रणमा आएको थियो । आगलागीबाट मानवीय क्षति नभएको तर अन्दाजी १४/१५ लाखबराबरको धनमालको क्षति भएको प्रहरीले जनाएको छ ।
मंगलबार बेलुका पसल बन्दगरी माथिल्लो तलामा सुत्न गएका श्रेष्ठ परिवारले आगलागी बाट निस्किएको धुवाँ र रापले घर तातेपछि मात्र थाहा पाएका थिए । उनीहरूले माथिल्लो तलाबाट हामफालेर ज्यान जोगाएका छन् । आगलागीबाट खाद्यान्न तथा अन्य किराना सामग्रीहरु जलेर नष्ट भएको वडाध्यक्ष हेमराज थापाले जानकारी दिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच